2 CHANRELNAK 6:5 - Lai (Hakha) Common Language Bible 2006

⁵ ‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo i ka mi Israel mi hna cung i bawi caah ahohmanh ka thim hna lo;

2 CHANRELNAK 6:5 ပူးပေါင်းရင်းမြစ်များ

1 SIANGPAHRANG 8:16

sihmanhsehlaw David cu ka mi hna cung i um awkah ka thim,’ tiin a kaa in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

2 SIANGPAHRANG 21:4

Bawipa nih, “Jerusalem khua ah ka min cu ka chiah lai,” tiin a rak tihnawh chanmi Bawipa inn chungah biakṭheng a ser hna.

1 CHANRELNAK 17:5

Zeicahtiah Israel kha ka hun hruai ni thawk in atu tiang inn chungah ka um lo, sihmanhsehlaw thlam khat in thlam khat ah, umnak hmun pakhat in umnak hmun dang pakhat ah ka kal lengmang.

2 CHANRELNAK 12:13

Cucaah Siangpahrang Rehoboam cu Jerusalem ah cun aa fehter i khika in a pen hna. Rehoboam cu bawi hram aa thawk tikah khan kum sawm li le kum khat a si i Jerusalem ah kum hleisarih a bawi, cu khua cu Israel miphun dihlak chungin khika i a min chiah awkah Bawipa nih aa thimmi a si. A nu min cu Naamah a si, amah cu Ammon mi a si.

2 CHANRELNAK 20:8

Cu ram chungah cun khua an sa i na min caah hmunthiang pakhat an in sakpiak i,

2 CHANRELNAK 20:9

‘Kan cungah ṭhat lonak, vainam maw, biaceihnak maw, rai maw, mangṭam maw a tlun ahcun, hi inn hmaiah le nangmah hmaiah hin kan dir lai, zeicahtiah na min cu hi inn chungah hin a um i kannih nih kan harnak chungin nangmah cu kan in auh lai i nang nih na kan theihpiak lai i na kan khamh lai,’ tiah an ti.

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

2 CHANRELNAK 33:4

Bawipa nih, “Jerusalem khua ah hin ka min cu zungzal in a um lai,” tiah a rak timi, Bawipa inn chungah khan biakṭheng a ser hna.

2 CHANRELNAK 33:7

Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai;

2 CHANRELNAK 6:20

zeitintiah nangmah nih na min chiahnak caah bia na kammi hmun, hi inn leiah hin chun zan in na mit na chiah nakhnga le hi inn lei hoih in na salpa nih thla ka cammi hi na theih nakhnga.

2 CHANRELNAK 6:4

Cun aa thawh i, “Ka pa David sinah,

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

2 CHANRELNAK 7:16

Ka min cu zungzal in hika ah a um nakhnga hi inn cu ka thim cang i ka thianter cang; ka mit le ka lung cu hika ah an um camcin lai.

EZRA 7:16

Babilonia ram i na hmuh laimi ngun le sui vialte le Jerusalem i a ummi an Pathian inn ca i mah lungtho tein biakamnak in mizapi hna le tlangbawi hna nih mah lungtho tein an thawhmi vialte zong kha na hei phorh lai.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

EXODUS 23:21

Amah chimmi kha ngai u law a chimmi kha zul u. Amah cu keimah min in rian a ṭuanmi a si caah rak doh hlah u; cu bantuk palhnak cu an ngaithiam kho hna lai lo.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

ZEKHARIAH 3:2

Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

1 SAMUEL 15:23

Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang,” tiah a ti.