2 CHANRELNAK 6:41 - Lai (Hakha) Common Language Bible 2006

⁴¹ “Maw Bawipa Pathian, tho law na umnak hmun ah cun kal tuah, Nangmah le na ṭhawnnak kuang zong. Maw Bawipa Pathian, na tlangbawi hna cu khamhnak in thuam hna law, Na mithiang hna cu na ṭhatnak in lawmhter hna.

2 CHANRELNAK 6:41 ပူးပေါင်းရင်းမြစ်များ

1 CHANRELNAK 28:2

Cun Siangpahrang David cu a dir i, “Ka unau hna le ka mi hna, ka bia ka ngai tuah u. Bawipa biakamnak kuang caah le kan Pathian ke chiahnak caah dinhnak inn pakhat kha sa ning law tiah ka lung chungin ka rak ti tawnmi a si i cu saknak caah cun timhtuahnak ka rak ngei.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

SALM 132:16

Keimah nih ka khamh hna kha a tlangbawi pawl ka thanhter hna lai i a mi pawl kha lunglawm in hla ka sakter hna lai i ka auter hna lai.

SALM 65:11

Na ṭhatnak nih kum ṭha a vuiter. Na kalnak paoh ah rawl tampi a um.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

GALATI 3:27

Khrih chungah tipil nan ing i Khrih nunnak in nan i thuam.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

JOSHUA 3:13

Cun Bawipa, vawlei cung dihlak i Bawipa a simi, a kuang putu tlangbawi hna keza nih Jordan ti a lamh tikah, Jordan ti cu a cat lai i cunglei in a rungmi ti cu bu khat ah an dir lai,” tiah a ti.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).