2 CHANRELNAK 6:23 - Lai (Hakha) Common Language Bible 2006

²³ khi tikah nang nih van khin run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ningin pek awkah thiam coter ko.

2 CHANRELNAK 6:23 ပူးပေါင်းရင်းမြစ်များ

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

JEREMIAH 51:56

Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

PHUNGTHLÛKBIA 17:15

Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

PHUNGTHLÛKBIA 1:31

Cucaah annih nih an ziaza theitlai cu an ei lai i Anmah khuakhannak lila nih cun a nor cikcek hna lai.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

2 SIANGPAHRANG 9:26

‘Nizan ah Naboth thisen le a fapa hna thisen ka hmuh hrimhrim bantuk khan, nangmah cu hi hmun ah hin teirul kan cham lai,’ ti in Bawipa nih a ti kha. Cucaah hlawm law kha hmun vawlei ah khan hlonh tuah, Bawipa bia bang khan,” tiah a ti.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

NAMBAR 5:27

Cun minu kha ti cu a dinter tikah, amah kha a rak i thurhhnawmh i a va toiah zumh awk tlak loin a rak um ahcun, chiatnak a tlunhtu ti cu a chungah a lut lai i a ngan a fahter lai i a pum cu a phing lai i a phei cu a tlong lai i, cu nu cu a mi hna lakah chiathrutnak a ingmi ah a cang lai.

ROM 2:8

Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

2 CHANRELNAK 6:22

“Mi pakhatkhat nih a innpa cungah a sual i chiat serter a si i a chiatsernak cu hi inn chung na biakṭheng hmaiah hin chimter a si ahcun,