2 CHANRELNAK 6:14 - Lai (Hakha) Common Language Bible 2006

¹⁴ cun aa thawh i, “Maw Bawipa, Israel Pathian, van ah siseh, vawlei ah siseh, nangmah bantuk Pathian zeihmanh an um lo, nangmah nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

2 CHANRELNAK 6:14 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 33:20

Cuka ah cun biakṭheng pakhat a ser i a min ah El, Elohe-Israel, a sak.

GENESIS 35:10

Pathian nih cun a thawh i, “Na min cu Jakob a si, sihmanhsehlaw atu ri hin cun na min cu Israel a si cang lai,” a ti. Cucaah Israel ti a si.

GENESIS 5:24

Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo.

2 SAMUEL 7:22

Cucaah nangmah cu na ngan ko, maw Bawipa Pathian; zeitintiah kannih nih kan hna in kan theihmi vialte ah nangmah bantuk an um lo i nangmah hleiah Pathian dang zeihmanh an um lo.

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

1 SIANGPAHRANG 3:6

Cun Solomon nih, “Nangmah nih ka pa David cu zumhawktlak in le dinnak in le nangmah lei i lungthin ding ngeihnak in na hmaiah a um caah, a ngan le a fekmi dawtnak cu na hmuhsak cang; cun hi a ngan i a fekmi dawtnak cu na chiahpiak i nihin i a bawi ṭhutdan cung i a ṭhu dingah fapa pakhat na pek.

1 SIANGPAHRANG 6:12

“Hi inn na sak liomi kongah hin, ka nawlbia kha na ngaih hna i ka phunglam kha na zulh hna i ka phungbia kha na tuah hna i na zulh hna ahcun, na pa David sinah ka rak chimmi ka bia kha nangmah sinah ka fehter lai.

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

1 CHANRELNAK 29:10

Cucaah David nih Bawipa cu aa pummi vialte hmaiah cun a thangṭhat i David nih cun, “Maw Bawipa, kan pu Israel i Pathian, nangmah cu zungzal thluangthluan in thangṭhat na si ko.

1 CHANRELNAK 29:20

Cun David nih aa pummi vialte hna cu, “Bawipa, nan Pathian cu thangṭhat ko u,” tiah a ti hna. Cun aa pummi vialte nih Bawipa, an pupa hna Pathian cu an thangṭhat i an lu an khun i Bawipa cu an biak i siangpahrang cu hmaizahnak an pek.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

2 CHANRELNAK 6:17

Cun maw Bawipa, Israel Pathian, na salpa David ka pa sin i na rak chimmi bia kha fehter ko.

NEHEMIAH 1:5

Cun kaa thawh i, “Maw Bawipa, vancung Pathian, nangmah an dawtu le na nawlbia a ulmi hna cung i biakamnak le a fekmi na dawtnak a hmunhtertu a lian a ngan i ṭih a nungmi Pathian,

SALM 86:8

Bawipa, nangmah bantuk pathian dang ahohmanh an um lo, nangmah tuahmi bantuk a tuah khomi pakhat hmanh an um lo.

SALM 89:28

A sin i bia kaa kammi cu ka tuah zungzal lai i amah he kan biakamnak cu zungzal in a hmun lai.

SALM 89:6

Bawipa, vancung i a ummi khi nangmah bantuk ahohmanh an um lo, pathian hna lakah hin ahohmanh nangmah tluk an um lo.

SALM 89:8

Lianngan Bik Bawipa Pathian, ahohmanh nangmah tluk i a ṭhawngmi an um lo; zeizong vialte ah nang cu zumhawktlak na si, Bawipa;

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

EXODUS 8:6

Cucaah Aaron nih cun a ṭhiangṭhunh cu ti cungah khan a hler i utlak kha an chuak ciammam i ram kha a khah in an khat.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

JEREMIAH 10:6

Maw Bawipa, nangmah bantukin ahohmanh an um lo, Nangmah cu na lianngan ko, Na min cu a lianngan i a ṭhawng.

DANIEL 9:4

“Bawipa, nang cu a lian a ngan i ṭih a nungmi Pathian na si, nangmah an dawtu hna le na nawlbia a zulmi hna sinah cun na biakamnak kha zumhawktlak tein na zulh;

LUKA 1:50

Amah a ṭihmi vialte kha chan khat hnu chan khat in a zaangfah hna.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LUKA 1:72

Kan pupa hna cu, nan cungah zaangfahnak ka ngei lai, a ti hna i a thiangmi a biakamnak kha ka philh lo,’ tiah a ti hna.

DEUTERONOMI 3:24

‘Maw Bawipa Pathian, nangmah na salpa hi na lianhngannak le a ṭhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.