2 CHANRELNAK 5:2 - Lai (Hakha) Common Language Bible 2006

² Cun Solomon nih Israel mi upa hna le an phun cio lu hna kha le Israel mi an pale innchungkhar hna hruitu cio hna kha, David khua a simi Zion in Bawipa biakamnak kuang cu hun chuahpi awkah Jerusalem khua ah a pumh hna.

2 CHANRELNAK 5:2 ပူးပေါင်းရင်းမြစ်များ

2 SAMUEL 5:7

Sihmanhsehlaw David nih Zion ralhruang cu a lak ko ai, cucu David khua ti a si.

2 SAMUEL 6:12

Cun Siangpahrang David kha an chimh i, “Bawipa nih Obededom innchungkhar kha Pathian kuang thawngin thluachuah a pek hna,” tiah an ti. Cucaah David cu a va kal i Obededom inn khan David khua ah lunglawmhnak in Pathian kuang kha a ratpi;

1 CHANRELNAK 15:1

David nih amah caah David khua chungah khan inn a sak hna i Pathian kuang caah khan hmun pakhat a timh i thlam pakhat a bunhpiak.

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

1 CHANRELNAK 15:25

Cucaah David le Israel mi upa hna le a thong pawl haotu hna kha, Bawipa biakamnak kuang cu Obededom inn in lunglawmhnak he va lak awkah an kal.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

1 CHANRELNAK 16:1

Cun Pathian kuang cu an luhpi i David nih a bunhpiakmi thlam chungah khan an chiah; cun Pathian hmaiah khangh thawinak le daihnak thawinak kha an pekchanh.

1 CHANRELNAK 24:31

Siangpahrang David, Zadok, Ahimelek le tlangbawi hna le Levi mi hna an pale innchungkhar lu cio hna hmaiah Aaron fapa an unau hna nih an tuah bang khan, pale innchungkhar i lu a si ciomi hna le an nau le cio nih khan, camcawhfung cu an zuh ve.

1 CHANRELNAK 24:6

Cun Levi mi Nethanel fapa Shemaiah, caṭialtu, nih khan, siangpahrang le bawi hna le tlangbawi Zadok le Abiathar fapa Ahimelek le tlangbawi hna le Levi mi hna chungkhar hna lu hna hmaika ah khan, cazin ah a khumh hna; Eleazar caah khan innchungkhar pakhat cu thim a si i Ithamar caah khan pakhat thim a si ve.

1 CHANRELNAK 26:26

Hi Shelomoth le a unau hna hi, siangpahrang David le an pale innchungkhar hna lu cio le a thong pawl haotu hna le a za pawl haotu hna le ralkapbu ralbawi hna nih pekchanhmi laksawng, an pekchanhmi chawhlawn vialte kha a zohkhenhtu an si.

1 CHANRELNAK 28:1

David nih Jerusalem ah Israel mi bawi vialte, an phun chung bawi hna, siangpahrang rian a ṭuanmi ralkapbu bawi hna, a thongthong pawl a haotu hna, a zaza pawl a haotu hna, siangpahrang le a fapa hna i an thilri le saṭil a cawngtu hna kha siangpahrang inn bawi hna le miṭhawng hna le ralkap ṭhawng vialte hna he khan hmunkhat ah a pumh hna.

2 CHANRELNAK 1:4

(Sihmanhsehlaw David nih Pathian kuang kha cu Kiriath-jearim in David nih hmun a serpiakmi, Jerusalem i thlam pakhat a bunhpiakmi ah khan a rak hunpi cang.)

2 CHANRELNAK 5:1

Cuticun Bawipa inn caah Solomon nih a tuahmi rian vialte cu lim a si. Cun Solomon nih a pa David nih a rak pekchanh ciami thil hna kha a luhpi hna i Bawipa inn chung rokuang chungah khan ngun, sui le umkheng vialte kha a chiah hna.

2 CHANRELNAK 5:12

cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang ṭhia in an i thuam i sumsel le tingtang le thonglawi he biakṭheng in nichuahlei ah khan muko tumtu tlangbawi za khat le pakul hna he khan an dir;)

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 87:2

Jerusalem khua cu, Israel ram chung i hmun dang vialte nakin a dawt deuh.

LEVITIKAS 9:5

Cun Moses nih nawl a pekmi cu tonnak thlam hmaiah an hun hruai hna i aa pummi nih an dihlak in an hun naih i Bawipa hmaiah an dir.

NAMBAR 10:33

Cu bangin Bawipa tlang in ni thum kal ah an kal i Bawipa biakamnak kuang kha annih ca i, i dinhnak hmun kawl awkah annih hmaiah ni thum lamkal a rak kal chung.

NAMBAR 10:36

Cun aa dinh tikah, “Ra kir tuah, maw Bawipa, Israel mi a thong a sang hna sinah hin,” tiah a ti.