2 CHANRELNAK 5:12 - Lai (Hakha) Common Language Bible 2006

¹² cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang ṭhia in an i thuam i sumsel le tingtang le thonglawi he biakṭheng in nichuahlei ah khan muko tumtu tlangbawi za khat le pakul hna he khan an dir;)

2 CHANRELNAK 5:12 ပူးပေါင်းရင်းမြစ်များ

1 CHANRELNAK 13:8

Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um.

1 CHANRELNAK 15:24

Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai.

1 CHANRELNAK 15:27

David cu lahmangṭhia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk.

1 CHANRELNAK 23:30

Cun zing fate in an dir lai i Bawipa kha an lawmh lai i an thangṭhat lai, cu bantuk ṭhiamṭhiam in zanlei zongah,

1 CHANRELNAK 23:5

thong li cu kutka cawngtu an si lai i thangṭhatnak caah ka sermi hlasaknak thilri in thong li nih Bawipa kha thangṭhatnak an pek lai,” tiah a ti.

1 CHANRELNAK 6:33

Hi hna hi rian a ṭuanmi hna le an fapa hna cu an si. Kohath mi hna chungin: hla satu Heman, amah cu Joel fapa a si, Joel cu Samuel fapa a si,

1 CHANRELNAK 6:39

cun a orhlei kamah a dirmi a unau Asaf, cu Asaf cu Berekhiah fapa a si, Berekhiah cu Shimea fapa a si,

2 CHANRELNAK 29:25

Cun David le siangpahrang i a hmutu Gad le profet Nathan nawl peknak ning khan, Levi mi cu Bawipa inn chungah khan sumsel le tingtang le thonglawi he tiah a chiah hna; zeitintiah nawlbia cu Bawipa sinin a profet hna hmang in a ra.

2 CHANRELNAK 29:26

Levi mi hna cu David thilri he khan an dir i tlangbawi hna cu muko he khan an dir.

2 CHANRELNAK 7:6

Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

SALM 62:1

Pathian lawnglawng kaa bochan, amah sinin ka khamhnak cu a ra.

SALM 68:25

Hlasatu pawl kha hmaisuang ah an um, aw dawh tum thiam pawl kha hnulei ah an um, an karlak ah khan khuang tumtu nu pawl kha an um.

SALM 88:1

Bawipa Pathian, ka khamhtu, chun nitlak in ka au i zan ah na hmaika ah ka ra.

BIAPHUAN 15:6

Hremnak pasarih aa putmi vancungmi biakinn chungin an chuah kha ka hmuh; puan rang thiang an i aih i an ṭang ah sui ṭangmenh kha an i menh.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).