2 CHANRELNAK 4:22 - Lai (Hakha) Common Language Bible 2006

²² sui thiang in sermi mei hmihnak hna, khengkuar hna, zihmui kheng hna le mei zahnak hna; cun hmun thiang bik luhnak chungchin innkhar hna le biakinn ṭuangpi innkhar hna ca i sui thiang in sermi biakinn kapza hna.

2 CHANRELNAK 4:22 ပူးပေါင်းရင်းမြစ်များ

1 SIANGPAHRANG 6:35

Cun an cungah cherubim le tumkung le pangpar muisam kha a ker hna; cun cu kermi muisam hna cu sui in nal tein a hut hna.

1 SIANGPAHRANG 7:50

hrai hna, mei hmihnak hna, kheng kuar hna, zihmui ca kheng tete hna, mei zawhnak hna, sui thiang in sermi hna kha; cun innchung chungchin thiang bik hmun innka ca i sui kapza hna le biakinn ṭuangpi innka hna i sui kapza hna.

2 SIANGPAHRANG 12:13

Sihmanhsehlaw Bawipa inn caah cun ngun hmaihum le mei hmihnak le khengkuar le muko le sui umkheng paohpaoh le ngun umkheng paohpaoh cu, Bawipa inn chungah rak putmi tangka in ser a um lo,

2 SIANGPAHRANG 25:14

Cun um hna le cawhlek hna le mei hmihnak hna le zihmui kheng hna le, dar umkheng vialte hna, biakinn chung rianṭuannak i hmanmi vialte kha an lak hna,

2 CHANRELNAK 4:21

sui thiang bik in sermi pangpar hna le meiinn hna le cengceh hna;

2 CHANRELNAK 5:1

Cuticun Bawipa inn caah Solomon nih a tuahmi rian vialte cu lim a si. Cun Solomon nih a pa David nih a rak pekchanh ciami thil hna kha a luhpi hna i Bawipa inn chung rokuang chungah khan ngun, sui le umkheng vialte kha a chiah hna.

EXODUS 25:38

A cengceh le a vutcam ruhnak hna cu sui thiang in na ser hna lai.

EXODUS 27:3

Biakṭheng caah cun hihi na ser hna lai: sathau nih a tlakhnawhmi vutcam ruhnak le laknak ah um le cawhlek le kheng le thirzum le meiṭil ruhnak kheng an si lai. Biakṭheng ca thilthuam vialte cu dar in na ser hna lai.

EXODUS 37:23

Cun meiinn tung caah cun meiinn pasarih a ser hna; cun a cengceh le a vutcam ruhnak cu sui thiang in a ser hna.

JEREMIAH 52:18

Cun biaknak inn chung i biaknak ca i hmanmi thil vialte, um tehna, cawhlek tehna, mei hmihnak tehna, hmaihum tehna, zihmui khanghnak kheng tete hna, dar-um vialte hna kha an kalpi dih.

EZEKIEL 41:24

Innka nih cun a khar pahnih cio an ngei i cu a khar hna cu kapza in hrenhmi an si caah hun khawh, kau khawh, an si.