2 CHANRELNAK 4:1 - Lai (Hakha) Common Language Bible 2006

¹ Dar biakṭheng pakhat a ser i dong kul a sau i dong kul a kau i dong hra a sang.

2 CHANRELNAK 4:1 ပူးပေါင်းရင်းမြစ်များ

1 SIANGPAHRANG 8:22

Cun Solomon cu Bawipa biakṭheng hmaiah khan Israel mi aa pummi vialte hna hmuh ah cun a dir i van leiah a kut a phar hna i,

1 SIANGPAHRANG 8:64

Cu ni ṭhiamṭhiam ah cun siangpahrang nih Bawipa inn hmai i a ummi tual a laifang kha a thianter; zeicahtiah Bawipa hmai i a ummi dar biakṭheng kha, khangh thawinak le changvut thawinak le daihnak thawinak i a thau hna tlum awk caah a hme tuk i cucaah khika ah khan khangh thawinak le changvut thawinak le daihnak thawinak i a thau hna kha a pekchanh hna.

1 SIANGPAHRANG 9:25

Kum khat ah voi thum Solomon nih, Bawipa ca i a sermi biakṭheng cungah khan, khangh thawinak hna le daihnak thawinak hna kha a pekchanh tawn hna i Bawipa hmaiah zihmui kha a khangh tawn. Cuticun inn cu a lim.

2 CHANRELNAK 1:5

Cuhleiah Hur fapa Uri i fapa Bezalel nih a sermi dar biakṭheng kha khika ah cun Bawipa puan biakinn hmaiah a um. Cun Solomon le aa pummi nih khan Bawipa cu an kawl.

2 CHANRELNAK 15:8

Asa nih Oded fapa Azariah nih a chimmi bia hna cu a theih tikah, a ral a ṭha i Judah le Benjamin ram chung vialte le Efraim tlangram chung i a lakmi khua hna i a ummi fihnung siasal vialte kha a hlonh dih hna i Bawipa inn innleng hmai i a ummi biakṭheng kha a remh.

2 CHANRELNAK 29:18

Cun Siangpahrang Hezekiah sinah cun an va lut i, “Bawipa inn kha kan thianh dih cang, khangh thawinak biakṭheng le a umkheng vialte, hun camcinmi changreu cabuai le a umkheng vialte, kan thianh dih hna.

2 CHANRELNAK 7:7

Cun Solomon nih Bawipa inn hmai i a ummi tual laifang kha a thianter; Solomon nih a sermi dar biakṭheng nih khan khangh thawinak le changvut thawinak le a thau hna kha a tlum hna lo caah, khika ah khangh thawinak le daihnak thawinak thau hna kha an pekchanh hna.

2 CHANRELNAK 8:12

Cun innleng hmai i a sakmi Bawipa biakṭheng cungah khan Solomon nih Bawipa sinah khangh thawinak kha a pekchanh hna,