2 CHANRELNAK 32:8 - Lai (Hakha) Common Language Bible 2006

⁸ Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

2 CHANRELNAK 32:8 ပူးပေါင်းရင်းမြစ်များ

2 SIANGPAHRANG 18:5

Amah nih Bawipa, Israel Pathian aa bochan; cucaah Judah siangpahrang vialte hna lakah amah hnuah amah bantuk an um ti lo i amah hlan zongah amah bantuk an rak um lo.

2 SIANGPAHRANG 6:16

Anih nih a thawh i, “Ṭih hlah, zeitintiah kan sin i a ummi hna cu an sin i a ummi hna nakin an tam deuh,” tiah a ti.

1 CHANRELNAK 5:22

Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 14:10

Cun amah cu Asa nih a hei chuahhnawh ve i Mareshah i Zefathah nelrawn ah cun i doh awkah an i tiang.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 16:7

Cu caan ah cun hmutu Hanani kha Judah siangpahrang Asa sinah cun a ra i, “Siria siangpahrang cu naa bochan i Bawipa na Pathian cu naa bochan lo caah, Siria siangpahrang ralkapbu cu na chuahter cang hna.

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

2 CHANRELNAK 32:15

Cucaah Hezekiah cu hi bantukin i hlenter hlah u law a pingah i hruaiter hlah u, cun amah kha zum hlah u, zeicahtiah mi zei miphun pathian siseh, zei ram pathian siseh, ka pupa hna kut chungin siseh keimah kut chungin siseh a mi a chanh khotu hna an um lo. Zeitindah nan Pathian chinchin nih cun ka kut chung cun an chuah khawh hna lai!’ a ti,” tiah an ti.

JOB 40:9

Pathian kut bantuk kut na ngei maw? Amah aw bantukin khuarit in na ri kho maw?

SALM 118:8

Minung i bochan nakcun Bawipa i bochan cu a ṭha deuh;

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

PHUNGTHLÛKBIA 12:25

Lung retheihnak nih minung cu lunglawm loin a tuah, Sihmanhsehlaw dawtnak bia nih cun lunglawmhnak in a khahter.

ISAIAH 30:32

Pathian nih a tuk chih lengmang hna bantuk khan a mi hna zong nih cun an khuang le an dar kha an rak ṭhuanh chih lengmang ve hna lai. Pathian hrimhrim nih Assiria mi cu a doh hna lai.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

ISAIAH 36:18

Bawipa nih a kan khamh lai, ti in Hezekiah kha i hlenter hlah u. Ram dang pathian hna nih tah an ram cu Assiria siangpahrang kut cun an khamh kho hna maw?

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

JEREMIAH 17:5

Bawipa nih hi bangin a ti: “Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh!

JEREMIAH 42:11

Babilon siangpahrang nan ṭihmi hi ṭih hlah u; Bawipa nih, “Ṭih hlah u, zeicahtiah amah kut chungin nannih cu khamh awk le chuah awkah nan sinah ka um ko,” tiah a ti.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

LAMKALTU 18:10

zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo,” tiah a ti.

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

DEUTERONOMI 20:3

mizapi sinah cun, ‘Maw Israel, thei tuah u, nihin cu nan ral doh awkah raltuknak hmun cu nan phan dengmang cang; nan lung der hlah seh, ṭih hlah u, a ther zong ther hlah u, anmah kha ṭih hna hlah u;

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

1JOHAN 4:4

Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.

1 SAMUEL 17:45

Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.