2 CHANRELNAK 32:12 - Lai (Hakha) Common Language Bible 2006

¹² Hi Hezekiah ṭhiamṭhiam nih hin a si lo mei a khuahrum bo hna le a biakṭheng hna kha a hlonh hna i Judah le Jerusalem cu, “Biakṭheng pakhat hmaiah nan biak lai i cu cungah cun nan raithawinak hna kha nan khangh lai,” a ti kha.

2 CHANRELNAK 32:12 ပူးပေါင်းရင်းမြစ်များ

1 SIANGPAHRANG 7:48

Cuticun Solomon nih Bawipa inn chung i a ummi umkheng vialte cu a ser hna: sui biakṭheng, Hun camcinmi changreu ca i sui cabuai,

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

2 CHANRELNAK 30:14

Cun rian cu an thawk i Jerusalem i a ummi biakṭheng vialte kha an ṭhial i zihmui khanghnak biakṭheng vialte kha an lak hna i Kidron horkuang ah an hlonh hna.

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

2 CHANRELNAK 32:11

Hezekiah nih hin, “Bawipa kan Pathian nih Assiria siangpahrang kut chungin a kan chuah lai,” tiin a ti tikah hin a pingah an hruai hna a si lo maw?

2 CHANRELNAK 33:17

Mi nih cun khuahrum bo hna ah khan rai cu an thawi ko rih, asinain, Bawipa an Pathian sin lawnglawng ah khan a si cang.

2 CHANRELNAK 4:1

Dar biakṭheng pakhat a ser i dong kul a sau i dong kul a kau i dong hra a sang.

ISAIAH 36:7

Cun a bia cu a vun peh i, “Asiloah, ‘Bawipa kan Pathian pei kan i bochan,’ nan ti hnga maw? Cu nan Pathian cu, Hezekiah nih a biakṭheng vialte a hrawhpiak dih i Judah ram mi le Jerusalem khuami hna cu, biakṭheng pakhat lawngah Pathian nan bia cang lai, tiah a timi hna kha a si ṭung.