2 CHANRELNAK 3:1 - Lai (Hakha) Common Language Bible 2006

¹ Cun Solomon nih Jerusalem khua chung Moriah Tlang, a pa David sin i Bawipa a langhnak, David nih a timhtuahmi phuhri, Jebus mi Ornan ta a simi ah khan Bawipa inn cu sak hram a thawk.

2 CHANRELNAK 3:1 ပူးပေါင်းရင်းမြစ်များ

GENESIS 22:14

Abraham nih cu hmun cu, “Bawipa nih a khaan ko,” tiah min a sak i atu chan tiang zongin mi nih, “Bawipa tlang cungah cun Bawipa nih a khaan ko,” an ti tawn.

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

2 SAMUEL 24:16

Cun vancungmi nih khan hrawh awkah Jerusalem leiah a kut a hei samh tikah, ṭhat lonak kha Bawipa cu aa ngaichih i mi lak i rawhralnak a tuahtu vancungmi sinah khan, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Araunah phuhri pawngah khan a um.

1 CHANRELNAK 21:18

Cun Bawipa vancungmi nih Gad cu, David kha hung kal seh law Jebus mi Ornan phuhri ah Bawipa caah biakṭheng pakhat in hung ser seh, tiin David cu chimh awkah nawl a pek.

1 CHANRELNAK 22:1

Cun David nih, “Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai,” tiah a ti.

1 CHANRELNAK 6:10

Johanan cu Azariah pa a si (amah cu Jerusalem i Solomon nih inn a sakmi chung i tlangbawi a ṭuan mi kha a si).

2 CHANRELNAK 3:2

A bawi kum linak, thla hnihnak thla ah khan sak hram cu a thawk,

LAMKALTU 7:47

Sihmanhsehlaw inn a vun sakpiaktu taktak cu Solomon a si.