2 CHANRELNAK 28:9 - Lai (Hakha) Common Language Bible 2006

⁹ Sihmanhsehlaw khika ah khan Bawipa profet pakhat a rak um i a min cu Oded a si; Samaria i a kalmi ralkapbu ton awkah cun a chuak i annih cu a thawh hna i, “Bawipa, nan pupa hna Pathian cu Judah cungah a thin a hun caah annih cu nan kut chungah an pek hna, sihmanhsehlaw nannih nih van tiang a phanmi thinhunnak in nan thah hna.

2 CHANRELNAK 28:9 ပူးပေါင်းရင်းမြစ်များ

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 20:22

Cu tikah profet kha Israel siangpahrang pawngah khan a ra i amah sinah cun, “Ra tuah, i hrim tuah, cun na tuah hnga ding hi ṭha tein ruat tuah; zeitintiah ṭhal a hung chuah ṭhan tikah Siria siangpahrang nih doh awkah an rathnawh lai,” tiah a ti.

1 SIANGPAHRANG 20:42

Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.

1 CHANRELNAK 21:13

Cun David nih Gad cu a thawh i, “Harnak nganpi chungah ka um; Bawipa kut cungah cun tla ko ning, zeitintiah anih cu a zaangfahnak a ngan ngaingai; sihmanhsehlaw minung kut chungah cun tla sawh hlah ning,” tiah a ti.

2 CHANRELNAK 28:5

Cucaah Bawipa a Pathian nih amah cu Siria siangpahrang kut chungah a pek i amah nih cun a tei i a mi tampi hna cu sal ah a tlaih hna i Damaskas ah a kalpi hna. Israel siangpahrang kut chung zongah amah cu pek a si i Israel Siangpahrang nih cun a tei i tampi a thah hna.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

SALM 69:26

Dan na tat cangmi kha an hrem chinchin hna i nganfahnak na inter cangmi hna kha an thangchiat hna.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

JONAH 1:2

“Nineveh khualipi ah cun va kal tuah, atu ah va kal law a ṭhat lonak nih khan a cerh in a ka cerh caah va si,” tiah a ti.

ZEKHARIAH 1:15

sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih ṭhat lonak kha pakhat hnu pakhat an chap chin lengmang.

BIAPHUAN 18:5

Zeicahtiah a sualnak cu van tawng in aa pong i Ṭhat lonak a tuahmi kha Pathian nih a philh lo.

BIACEIHTU 3:8

Cucaah Bawipa thinhunnak cu Israel mi cungah a alh i Mesopotamia siangpahrang Kushan-rishathaim kut chungah khan a zuarh hna; cu caah Israel mi nih cun Kushan-rishathaim cu kum riat an rianh.