2 CHANRELNAK 26:8 - Lai (Hakha) Common Language Bible 2006

⁸ Ammon mi hna nih Uzziah cu ngunkhuai an pek i amah cu a ṭhawn ngaingai caah Izipt ramri tiang hmanh in a min a thang.

2 CHANRELNAK 26:8 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 19:38

A ngakchia deuh zong nih khan fapa a hrin ve i a min ah Ben-ammi a sak. Amah cu atu Ammon mi a hringsortu hna hi a si.

2 SAMUEL 8:13

Cun David cu a min a thang ngaingai ko. A ra kir tikah Edom mi sang khat le thong riat cu Cite Nelrawn ah a thah hna.

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

1 SIANGPAHRANG 4:31

Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang.

1 CHANRELNAK 14:17

Cun David minthannak nih cun ram vialte kha a cul dih i miphun vialte cungah amah ṭihnak kha Bawipa nih a tlunter.

2 CHANRELNAK 17:11

Filistin mi a cheukhat nih Jehoshafat cu laksawng an rak pek i ngunkhuai caah ngun an rak pek; cun Arab mi hna zong nih tuukawng thong sarih za sarih le mehehtum thong sarih le za sarih an rak pek.

2 CHANRELNAK 20:1

Hi hnuah hin Moab mi hna le Ammon mi hna cu Meunim mi a cheukhat hna he Jehoshafat tuk awkah an i thawh.

2 CHANRELNAK 26:9

Cuhleiah Jerusalem ah cun Kil Kutka le Nelrawn Kutka le kulhnak vampang a kawinak ah khan innsang a sak hna i a kulh hna.

2 CHANRELNAK 27:5

Ammon mi hna siangpahrang he khan an i do i a tei hna. Cun cu kum ah cun Ammon mi hna nih, ngun talen za khat le changvut phor thong hra le barli phor thong hra an pek. Ammon mi nih cu zat ṭhiamṭhiam cu a kum hnihnak le a kum thumnak ah an pek.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

DEUTERONOMI 2:19

Ammon fapa hna ramri nan va naih tikah, annih cu awlokchonh hna hlah u, a tuk zong tu hna hlah u, zeicahtiah co awkah Ammon fapa hna ram cu kan pe hna lai lo, Lot fapa hna kha ka coter cang hna a ti.

1 SAMUEL 11:1

Khi caan ah Ammon mi Nahash cu a hung kal i Jabesh-gilead kha a dum; cun Jabesh-gilead khuami vialte nih cun, “Kanmah he biahrennak ser law, na rian kan ṭuan lai,” tiah an ti.