2 CHANRELNAK 26:5 - Lai (Hakha) Common Language Bible 2006

⁵ Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

2 CHANRELNAK 26:5 ပူးပေါင်းရင်းမြစ်များ

GENESIS 41:15

Faro nih khan Josef cu a thawh i, “Mang ka manh i ahohmanh nih an let kho lo. Nangmah nih hin mang cu na leh khawh tiah an ka chimh,” a ti.

GENESIS 41:38

annih cu a thawh hna i, “Hi bantuk mi hi a dang khuazei ah dah kan hmuh khawh ti hna lai, Pathian thlarau nih a umpimi hi?” a ti.

2 SIANGPAHRANG 15:34

A pa Uzziah nih a tuah bantuk khan, amah nih Bawipa hmaiah a dikmi thil kha a tuah.

1 CHANRELNAK 22:11

Cucaah ka fapa, nangmah kong ah a chimmi bia bangin Bawipa na Pathian ca i inn saknak ah cun na hlawhtlin nakhnga, Bawipa cu na sinah um ko seh.

1 CHANRELNAK 22:13

Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

2 CHANRELNAK 14:6

Ram cu a daih caah Judah ram chungah khan kulh ngeimi khua a ser hna. Cu kum hna chungah cun Bawipa nih daihnak a pek caah ral a ngei lo.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 24:2

Tlangbawi Jehoiada chan chung cu Joash nih Bawipa mithmuh i a dikmi kha a tuah.

2 CHANRELNAK 25:8

Sihmanhsehlaw nang nih hi lam hin raldohnak ah ka ṭhawng lai tiin na ruah ahcun, ral hmaiah khan Pathian nih nang cu an hlonh ko lai; zeitintiah Pathian nih cun bawmh khawhnak le hlonh khawhnak ṭhawnnak a ngei,” tiah a ti.

2 CHANRELNAK 26:4

Cun a pa Amaziah nih a rak tuahmi vialte bantuk khan, Bawipa mithmuh ah a dikmi kha a tuah.

2 CHANRELNAK 27:6

Jotham cu a kalning kha Bawipa a Pathian hmaiah a ningcang tein a tuah caah miṭhawng ah a cang.

2 CHANRELNAK 29:1

Hezekiah cu kum kul le kum nga a ti ah pen hram a thawk i Jerusalem in kum kul le kum kua a pen. A nu min cu Abijah a si, Zekhariah fanu a si.

2 CHANRELNAK 32:30

Hi Hezekiah ṭhiamṭhiam nih hin Gihon ti cunglei i a chuahnak kha a phih hna i David khua nitlaklei kamah khan a vun luanter hna. Cun Hezekiah cu a rian paoh ah khua awng a tong.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 10:1

Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.

DANIEL 2:19

Cun langhnak in zan ah cu biathli sullam cu Daniel sinah phuan a si i vancung Pathian cu hitihin a thangṭhat:

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

HOSEA 6:4

Maw Efraim, zeitindah kan tuah lai? Maw Judah zeitindah kan tuah lai? Na dawtnak hi zinglei minmei bantuk, a ṭian zaumi dap bantuk ceo a si.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

BIACEIHTU 2:7

Cun mi hna nih cun Joshua nunchung le Joshua hnuah a nungmi upa, Israel mi caah Bawipa nih rian ngan a tuahmi vialte a rak hmutu hna an nunchung ah cun Bawipa rian kha an ṭuan.