2 CHANRELNAK 26:16 - Lai (Hakha) Common Language Bible 2006

¹⁶ Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

2 CHANRELNAK 26:16 ပူးပေါင်းရင်းမြစ်များ

1 SIANGPAHRANG 12:33

Bethel khua chung i a ummi, amah nih a sermi biakṭheng ah cun, amah nih amah lung chung tein a tuaktanmi thla, thla riatnak thla, a ni hleinga ni ah cun a hung kal i Israel mi caah puai pakhat kha a fehter i zihmui khangh awkah biakṭheng ah khan a hung kal.

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

2 SIANGPAHRANG 14:10

Edom cu na tei taktak ko i na hnar a puar hi ta. Sunparnak na hmuhmi cu i za ko law inn ah um ko; zeicahtiah zeicahdah nangmah tluknak dingah le nangmah sinah Judah zong tlukter dingin hnahnawhnak kha na chuahter lai?” a ti.

2 SIANGPAHRANG 15:5

Bawipa nih siangpahrang cu a tuk i cucaah cun a thih ni tiangin mithinghmui a si i inn dangte ah a um. Cun siangpahrang fapa Jotham nih khan innchungkhar cu a zohkhenh i rammi kha a uk hna.

2 CHANRELNAK 12:1

Rehoboam uknak cu a feh i a ṭhawn tikah Bawipa phungbia cu a hlawt i amah sin ṭang Israel mi vialte zong nih khan an hlawt ve.

2 CHANRELNAK 25:19

Nang nih na thawh i, ‘Zohhmanh, Edom ka tei diam’, na ti i tluangkhawnnak in na lung cu aa porhlaw. Sihmanhsehlaw atu cu inn ah khan um ko; zeicahdah harnak kha thawhter i nangmah le, nangmah sinah Judah cu tlukter na duh?” tiah a ti.

2 CHANRELNAK 26:15

Cun thal le lung ngan pipi a kap khotu seh zungthiam pawl nih an sermi hna kha, Jerusalem ah cun innsang le a kil ah khan a chiah hna. Cun amah cu a ṭhawn tiang khuaruahhar in bawmh a si caah a min cu khuazakip ah a thang.

2 CHANRELNAK 27:2

A pa Uzziah nih a tuahmi vialte ning khan Bawipa mithmuh ah thil dik kha a tuah — Bawipa biakinn bel kha a luhhnawh lo. Sihmanhsehlaw mi zapi nih khan ṭhat lonak kha an tuah lengmang ko.

2 CHANRELNAK 32:25

Sihmanhsehlaw Hezekiah cu a lung in aa porhlawt caah a cung i ṭhathnemnak a tuahmi caah khan aa lawm lo. Cucaah amah le Judah le Jerusalem cungah thinhunnak a tlung.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

DANIEL 11:12

Cuticun ral a teinak cu aa porhlaw lai i ralkap tampi a thahmi hna ruangah cun tluang a khawng lai, sihmanhsehlaw teitu a si zungzal ve lai lo.

DANIEL 8:8

Cun mehehtum cu aa porhlaw chin lengmang i a ṭhawn salingte ah cun a ki ngan cu a kiak buk ko. Cun a hmun ah cun ki pali an hung chuak i kaa dang lei cio kha an sawh.

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

NAMBAR 16:1

Cun Levi fapa Kohath i fapa Izhar i fapa Korah le, Reuben fapa Eliab i fapa hna Dathan le Abiram le, Reuben fapa Peleth i fapa On nih

NAMBAR 16:18

Cu caah an meilaknak cio cu an i lak i an chungah mei an chiah i zihmui an phulh hna i tonnak thlam innka ah cun Moses le Aaron he tiah an dir.

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

NAMBAR 16:7

mei laknak kheng hna kha i lak u law, thaizing ah an chungah mei chia u law, an cungah Bawipa hmaiah zihmui chia u, Bawipa nih a thimmi cu a thiangmi cu a si lai. Levi fapa hna, nan luan cang!” tiah a ti hna.

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i