2 CHANRELNAK 24:14 - Lai (Hakha) Common Language Bible 2006

¹⁴ Cun an lim tikah phaisa a tangmi kha siangpahrang le Jehoiada hmaiah khan an rak put i cu cun Bawipa inn ca i umkheng, biaknak ca le khangh thawinak ca i kha an ser hna i zihmui ca kheng tete le sui umkheng le ngun umkheng zong kha an ser hna. Cun Jehoiada chan chung cu Bawipa inn chungah khan khangh thawinak kha an pekchanh camcin ko.

2 CHANRELNAK 24:14 ပူးပေါင်းရင်းမြစ်များ

1 SIANGPAHRANG 7:50

hrai hna, mei hmihnak hna, kheng kuar hna, zihmui ca kheng tete hna, mei zawhnak hna, sui thiang in sermi hna kha; cun innchung chungchin thiang bik hmun innka ca i sui kapza hna le biakinn ṭuangpi innka hna i sui kapza hna.

2 SIANGPAHRANG 25:12

Sihmanhsehlaw ralvengtu haotu nih khan ram chungmi lak i sifak bik hna kha mitsur ruang a run cawnghramtu le lo a run thlotu ah a nganhta hna.

2 SIANGPAHRANG 25:15

meizahnak le khengkuar hna zong kha an lak hna. Ralvengtu haotu nih khan sui a simi thil paoh cu a sui kha a lak i ngun a simi thil paoh cu a ngun kha a lak.

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

2 CHANRELNAK 2:3

Cun Solomon nih Tair ram siangpahrang Huram kha bia a cah i, “Ka pa David cungah na rak tuah i amah a umnak ding inn saknak caah sidar thing na rak kuat bantuk khan, keimah zong ka kua ve tuah.

2 CHANRELNAK 24:13

Cuticun rian ṭuan awk i fialmi hna nih khan an ṭuan i an kut chungah inn remhnak rian cu ṭha tein a kal i Bawipa inn cu a sining ding kha an siter ṭhan i an fehter.

2 CHANRELNAK 24:15

Sihmanhsehlaw Jehoiada cu a tar, a upa i a thi; amah cu a thih ah kum za le kum sawm thum a si.

2 CHANRELNAK 31:2

Cun Hezekiah nih tlangbawi hna le Levi mi hna kha a phuphu in a ṭhen hna, a phuphu in an rianṭuanning cio khan Levi mi hna le tlangbawi hna cu khangh thawinak ca le daihnak thawinak ca le Bawipa riahhmun kutka i rianṭuantu ding hna le lawmhnak le thangṭhatnak petu hna tiin a chiah hna.

EXODUS 36:5

“Bawipa nih a kan fialmi rianṭuannak caah mi zapi nih an rak putmi cu a za leng a si cang,” an ti.

PHUNGTHLÛKBIA 27:22

Mihrut cu sum ah sumkhal in su hmanh law a hruhnak cu a thlah hlei lai lo.