2 CHANRELNAK 24:10 - Lai (Hakha) Common Language Bible 2006

¹⁰ Cun bawi vialte le mi vialte kha an lung aa lawm i an dih hlantiang an tangka cu an rak put hna i kuang chungah khan an sanh hna.

2 CHANRELNAK 24:10 ပူးပေါင်းရင်းမြစ်များ

1 CHANRELNAK 29:9

Cun mi cu an i lawm, zeicahtiah lungtho tein an pek, lung ṭengnge lo tein thawhlawm cu Bawipa sinah an pek i tampi an pek; siangpahrang David zong aa lawm.

2 CHANRELNAK 24:11

Cun Levi mi hna nih kuang cu siangpahrang i a bawi pawl sinah khan an rak put fate, annih nih a chungah tangka tampi a um ti an hmuh tikah, siangpahrang caṭialtu le tlangbawi upa bik i a bawi kha an ra i kuang kha an tlen i an lak i a umnak ah khan an chiah ṭhan tawn. Cuticun ni khat hnu ni khat an tuah i tangka tampi an khawmh.

2 CHANRELNAK 24:9

Cun Pathian sal Moses nih ramlak ah Israel mi cu nan thawh lai ti in a rak timi hna ngunkhuai kha Bawipa ca i rak put awkah, Judah ram le Jerusalem khua ah khan thawng an thanh hna.

ISAIAH 64:5

Ahmaanmi thil tuah duhnak a ngeimi kha na bawmh hna i nangmah nih cutin um hna seh ti na duhning a philh lomi cu na lawmh hna. Kan cungah na thin a rak hung, sihmanhsehlaw kan sual lengmang ṭhiam ko; kan cungah na thin a hung ko nain hlanlio piin kan sual lengmang ko.

2 KORIN 8:2

Harnak an innak nih khan fak piin a hneksak hna; asinain an i lawmhnak cu a ngan tuk caah an si a fak ngaingai ko nain thawhlawm ah an siang ngaingai.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.