2 CHANRELNAK 23:7 - Lai (Hakha) Common Language Bible 2006

⁷ Levi mi hna nih an hriam kha i put cio in siangpahrang kha an kulh lai i inn chungah a lutmi paoh cu thah an si lai. Siangpahrang cu a luh a chuah tikah a sinah nan um lai,” tiah a ti.

2 CHANRELNAK 23:7 ပူးပေါင်းရင်းမြစ်များ

2 CHANRELNAK 23:6

Tlangbawi hna le rian a ṭuantu Levi mi hna dah ti lo cu ahohmanh Bawipa inn chungah lut hlah u; annih cu an thian caah an lut kho lai; sihmanhsehlaw zapi vialte nih cun Bawipa nawl kha an zulh awk a si lai.

2 CHANRELNAK 23:8

Levi mi hna le Judah ram mi vialte hna nih khan tlangbawi Jehoiada nawl pek bang cun an tuah: an minung cio kha sabbath ni i rian a ngei ding he a ngei lo ding he khan an i ratpi hna; zeicahtiah Jehoiada nih khan rian thiahmi bu hna kha a ṭinter hna lo.

EXODUS 21:14

Sihmanhsehlaw mi pakhatkhat cu a thin a hun i timh ciammam tein midang pakhat a thah a si ahcun, ka biakṭheng hmanh khan nan hnuh lai i amah cu thah a si lai.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

NAMBAR 3:38

Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le a fapa hna an si lai, Israel mi hna ca i tuah awk a simi paoh, hmunthiang chung i phunglam hna cu anmah rian a si lai; midang ahohmanh a ra naihmi paoh cu thah a si lai.