2 CHANRELNAK 23:3 - Lai (Hakha) Common Language Bible 2006

³ Cun aa pummi vialte nih siangpahrang he Pathian inn chungah khan biakamnak an tuah. Cun Jehoiada nih a thawh hna i, “Zohhmanh u, siangpahrang fapa hi! Bawipa nih David fapa hna kong ah a chim bantuk khan amah hi ukter ko u.

2 CHANRELNAK 23:3 ပူးပေါင်းရင်းမြစ်များ

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

2 SAMUEL 7:12

Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

1 SIANGPAHRANG 2:4

Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

1 SIANGPAHRANG 9:5

khi tikah na pa David sinah, ‘Israel mi bawi ṭhutdan cung ṭhu dingmi na ṭhing lai lo,’ tiin bia ka rak kam cang bang khan Israel mi hna cungah zungzal ca in na siangpahrang bawi ṭhutdan cu ka fehter lai.

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

1 CHANRELNAK 11:3

Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 CHANRELNAK 23:16

Cun Jehoiada nih amah le mizapi hna le siangpahrang karlak ah khan, annih cu Bawipa mi si awkah biakamnak a ser.

2 CHANRELNAK 6:16

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

2 CHANRELNAK 7:18

khi tikah na pa David sinah, ‘Israel mi uktu dingah mi na ṭhing lai lo,’ tiin bia ka rak kam bang khan na siangpahrang bawi ṭhutdan cu ka fehter lai.

SALM 89:29

A tefa pakhat cu siangpahrang a si zungzal lai; a bawiṭhutdan cu van a hmunh chung paoh a hmun ve lai.

SALM 89:36

Tefa a ngei zungzal hna lai i ni a tlan chung paoh cu a pennak kha keimah nih ka cawnghpiak lai.