2 CHANRELNAK 22:7 - Lai (Hakha) Common Language Bible 2006

⁷ Sihmanhsehlaw Pathian nih a rak ruahning ah hin Ahaziah ṭumchuknak cu Joram a vung tlawnnak hin tlung dingin a rak si. Zeitintiah khika a phak tikah Joram he khan an chuak i Bawipa nih Ahab innchungkhar hrawktu dingah chiti a thuhmi Jehu, Nimshi fapa kha an ton.

2 CHANRELNAK 22:7 ပူးပေါင်းရင်းမြစ်များ

1 SIANGPAHRANG 12:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Bawipa nih mah ti hin thil kha a mersan.

1 SIANGPAHRANG 12:24

hi bangin Bawipa nih, ‘Nan hung kal awk a si lai lo i nan unau Israel mi cu a doh zong nan hung do hna lai lo. Hi thil cu keimah sinin a rami a si caah nan inn cio ah kir dih u,’ a ti, tiah va chim,” tiah a ti. Cucaah Bawipa bia cu an ngaih i Bawipa bia bangin an inn cio ah an kir ṭhan.

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

1 SIANGPAHRANG 22:20

cun Bawipa nih a thawh i, ‘Ahab cu Ramoth-gilead ah a hung kal i khika ah a thih naklai ahodah a lem lai?’ tiah a ti. Cun pakhat nih thil pakhat a chim i a dang pakhat nih thil dang pakhat a chim ve.

2 SIANGPAHRANG 10:11

Cucaah Ahab tefa Jezreel i a tang rihmi paohpaoh, a mi ngan vialte hna le a hawikom ṭha hna le a tlangbawi hna kha, pakhat hmanh tang loin Jehu nih a thah dih hna.

2 SIANGPAHRANG 9:21

Joram nih, “I tim u,” tiah a ti. Cun a rangleng kha an timh. Cun Israel siangpahrang Joram le Judah siangpahrang Ahaziah kha an rangleng veve in an i thawh i Jehu ton awkah khan an kal i Jezreel khuami Naboth dum ah khan an ton.

2 SIANGPAHRANG 9:27

Mah hihi Judah siangpahrang Ahaziah nih a hmuh tikah Beth-haggan lei ah a zam. Cun Jehu nih a dawi i, “Amah zong khi kap u,” tiah a ti i Ibleam pawng Gur i hung kainak cho ah khan a rangleng chungah an kah. Cun Megiddo ah a zam i khika ah a thi.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

2 CHANRELNAK 22:6

Siria siangpahrang Hazael he an i tuk tikah Ramah i hma an banhmi kha i conghhramh awkah Jezreel khua ah a kir ṭhan. Cun Ahab fapa Joram cu a zawt caah khan amah cu Jezreel khua i vung zoh awkah Jehoram fapa Ahaziah Judah siangpahrang cu a vung kal.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

MALAKHI 4:3

Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

JOSHUA 11:20

Bawipa nih Moses nawl a pek bangin hrawh cikcek an si i zaangfahnak um loin hloh cikcek an si nakhnga, an lung ṭhawnter i Israel mi hna doh cu Bawipa tuahmi a si.

BIACEIHTU 14:4

A nu le a pa nih mah cucu Bawipa sinin a si kha an hngal lo; zeitintiah Filistin mi kha doh awkah caan rem a kawl. Cun caan lioah cun Filistin mi nih Israel mi kha an uk hna.