2 CHANRELNAK 21:7 - Lai (Hakha) Common Language Bible 2006

⁷ Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 CHANRELNAK 21:7 ပူးပေါင်းရင်းမြစ်များ

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 15:4

Sihmanhsehlaw David ruangah, Bawipa a Pathian nih Jerusalem khua ah meiinn pakhat a pek, amah hnuah a fapa cu a hun thawhter i Jerusalem kha a fehter;

2 SIANGPAHRANG 8:19

Sihmanhsehlaw Judah cu Bawipa nih, a sal David ruangah khan, hrawh a duh lo; amah le a tefa hna cu zungzal in meiinn pek awkah bia a rak kam cang hna.

2 SIANGPAHRANG 8:24

Cuticun Joram cu a pupa hna sinah a it i a pupa hna sinah David khua chungah an vui; cun a fapa Ahaziah kha amah hmun ah khan a hung bawi.

2 CHANRELNAK 22:11

Sihmanhsehlaw siangpahrang fanu Jehoshabeath nih Ahaziah fapa Joash kha aa lak i thah awk a simi siangpahrang fapa dang hna sin khan a zampi i amah le a cawngtunu cu ihnak dal chungah a chiah hna. Cuticun Siangpahrang Jehoram fanu Jehoshabeath, tlangbawi Jehoiada nupi a simi nih cun, amah cu Ahaziah far a si caah, Athaliah sin khan a thuh i cucaah a that lo;

2 CHANRELNAK 23:3

Cun aa pummi vialte nih siangpahrang he Pathian inn chungah khan biakamnak an tuah. Cun Jehoiada nih a thawh hna i, “Zohhmanh u, siangpahrang fapa hi! Bawipa nih David fapa hna kong ah a chim bantuk khan amah hi ukter ko u.

2 CHANRELNAK 6:16

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

SALM 132:11

David sinah biakamnak fek pakhat, na let ṭhan lo dingmi kha na rak ser, cu na biakamnak cu hihi a si: “Na fapa pakhat cu siangpahrang ah ka ser lai i na hnuah amah cu uktu bawi a rung si lai.

SALM 89:39

Na sal sin i bia na kammi cu na hrawh i a bawiluchin cu leidip lakah na hlonh.

LUKA 1:69

Kan caah a ṭhawngmi Khamhtu kha a chuahter cang. Amah cu a sal David tefa kha a si.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.