2 CHANRELNAK 21:4 - Lai (Hakha) Common Language Bible 2006

⁴ Jehoram cu a pa bawi ṭhutdan cung i a kai i a feh tikah, a unau vialte cu vainam in a thah hna i Judah ram bawi a cheukhat zong kha a thah hna.

2 CHANRELNAK 21:4 ပူးပေါင်းရင်းမြစ်များ

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

1 SIANGPAHRANG 1:12

Cucaah ra law ruahnak kan cheu tuah lai, nangmah na nunnak le na fapa Solomon nunnak kha na khamh khawh nakhnga.

2 CHANRELNAK 21:13

sihmanhsehlaw Israel siangpahrang hna lam kha na zulh hna i Ahab innchungkhar nih Israel mi an pialter hna bang khan nangmah nih Judah ram mi hna le Jerusalem mi hna kha na pialter hna i nangmah nakin a ṭha deuhmi na unau hna, na pa innchungkhar mi a simi hna kha na thah hna caah,

2 CHANRELNAK 21:17

Judah cu an hunhnawh i an chim i siangpahrang inn chung thil a si tiah an hmuhmi vialte le a fapa hna le a nupi hna zong kha an kalpi dih hna i a fapa hniang bik Jehoahaz dah ti lo kha cu fapa pakhat hmanh an nganh ta lo.

2 CHANRELNAK 22:10

Ahaziah nu Athaliah nih khan a fapa a thih kha a hngalh tikah, a tho i Judah innchungkhar siangpahrang chungle vialte kha a thah dih hna.

2 CHANRELNAK 22:8

Cun Jehu nih Ahab innchungkhar cungah biakhiahnak kha a tlunter tikah khan, Judah ram bawi hna le Ahaziah unau hna fapa hna, Ahaziah a bultawltu kha a ton hna i a thah hna.

2 CHANRELNAK 25:3

Siangpahrang lianhngannak kha a kut chungah fek tein a um cangka, siangpahrang a pa a rak thattu a sinum kha a thah hna.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

BIACEIHTU 9:5

Cun Ofrah khua i a pa inn ah khan a va kal i Jerubbaal fapale hna, a unau hna cu, minung sawm sarih, lung pakhat cungah a va thah hna; sihmanhsehlaw Jotham, Jerubbaal fapa a hniang bik tu cu aa thuh caah a tang.