2 CHANRELNAK 20:6 - Lai (Hakha) Common Language Bible 2006

⁶ “Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

2 CHANRELNAK 20:6 ပူးပေါင်းရင်းမြစ်များ

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

1 SIANGPAHRANG 8:30

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

1 CHANRELNAK 29:18

Maw Bawipa, kan pu Abraham, Isak le Israel i Pathian, hi bantuk thinlung le ruahnak hi na mi hna chungah hin chia zungzal law annih an lungthin cu nangmah leiah khan hruai ko hna.

2 CHANRELNAK 20:5

Cun Judah ram mi le Jerusalem mi aa pummi hna chungah cun; Jehoshafat cu Bawipa inn chungah, tual thar hmaiah khan a dir i,

2 CHANRELNAK 25:8

Sihmanhsehlaw nang nih hi lam hin raldohnak ah ka ṭhawng lai tiin na ruah ahcun, ral hmaiah khan Pathian nih nang cu an hlonh ko lai; zeitintiah Pathian nih cun bawmh khawhnak le hlonh khawhnak ṭhawnnak a ngei,” tiah a ti.

2 CHANRELNAK 5:14

caah tlangbawi hna cu rianṭuan awkah khan dir awk an si nain minmei ruangah cun an dir kho lo; zeicahtiah Pathian inn cu Bawipa sunparnak kha a khat.

2 CHANRELNAK 6:14

cun aa thawh i, “Maw Bawipa, Israel Pathian, van ah siseh, vawlei ah siseh, nangmah bantuk Pathian zeihmanh an um lo, nangmah nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

SALM 115:3

Kan Pathian cu vancung ah khin a um i a duhmi paoh kha a tuah ko.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 47:2

Cung Nung Bik Bawipa cu ṭih awk a si, amah cu a liannganmi siangpahrang vawlei cung vialte uktu a si.

SALM 47:8

A thiangmi a bawiṭhutdan cungah Pathian cu a ṭhu, miphun kip kha a uk hna.

SALM 54:1

Maw Pathian, na ṭhawnnak in ka khamh ko; na thazang in ka luatter ko.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh.

ISAIAH 14:27

Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

DANIEL 4:17

Hi kong cu cawngtu vancungmi hna nih an ruah ciami a si. Cucaah khuazeika ram i a ummi minung paohpaoh hna nih, Cung Nung Bik Pathian nih cun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” a ti.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

LAMKALTU 11:17

Kannih nih Bawipa Jesuh Khrih kan zumh tikah Pathian nih laksawng a kan pekmi bantukte kha Jentail mi hna zong Pathian nih cun a pek ve hna ti kha a fiang ko; cucaah, a hi kei nih hin maw, Pathian cu ka donh hnga?” tiah a ti.

ROM 9:19

Nan lak i pakhatkhat nih nan ka thawh lai i, “Hi bantukin thil a si kun ahcun, zeitindah Pathian nih minung cu sual a phawt khawh kun? Pathian duhnak cu aho nih dah a donh khawh?” nan ti lai.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

JOSHUA 2:11

Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.