2 CHANRELNAK 20:1 - Lai (Hakha) Common Language Bible 2006

¹ Hi hnuah hin Moab mi hna le Ammon mi hna cu Meunim mi a cheukhat hna he Jehoshafat tuk awkah an i thawh.

2 CHANRELNAK 20:1 ပူးပေါင်းရင်းမြစ်များ

1 CHANRELNAK 4:41

Hi an min in ṭialmi hna hi, Judah siangpahrang Hezekiah chan ah khan an ra i, an thlam hna le khika i khua a rak sami Meunim mi hna kha an hrawh hna i nihin ni tiang hin an hloh cikcek hna i an umnak ah khan anmah an um, zeicahtiah khika ah khan an saṭil run hna caah ram a um.

2 CHANRELNAK 14:8

Asa nih Judah in ralkapbu mi sing thum, phaw ngan pipi le fei in aa thuammi le Benjamin in phaw a thlir i likuk a kuaimi sing hnih le sang riat a ngeih hna; hi hna hi an dihlak tein ralṭha miṭhawng an si.

2 CHANRELNAK 19:11

Cun zohhmanh u, Bawipa lei thil vialte ah tlangbawi upa bik Amariah cu nan cungah a um; cun siangpahrang lei thil vialte ah Judah innchungkhar uktu Zebadiah, Ishmael fapa cu nan cungah a um; cun Levi mi hna cu nan biaceihtu bawi hme deuh an si lai. Ralṭha tein tuah u law Bawipa cu miding mi hna sinah cun um ko seh!” tiah a ti.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 19:5

Judah ram chung i kulhmi khua dihlak ah khan, khua khat hnu khua khat in, biaceihtu a chiah hna i,

2 CHANRELNAK 20:10

Cun atu cu zohhmanh, Ammon mi hna le Moab mi hna le Seir Tlang mi hna, Israel mi hna nih Izipt ram in an chuah tikah tuk na thlauh hna ca i an hrial hna i an hrawh lomi hna nih khan

2 CHANRELNAK 26:7

Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.

2 CHANRELNAK 32:1

Hi thil vialte le hi bantukin zumhtlak tein a tuahmi hnuah hin, Assiria siangpahrang Sennakherib cu a ra i Judah cu a chim i kulhmi khua kha a riahhnawh hna i ka tei hna lai tiah aa ruah.

ISAIAH 16:6

Judah mi nih an i thawh i, “Moab mi cu miporhlaw ngaingai an si kha kan theih. Miruamkai, mizum an si kha kan hngalh, sihmanhsehlaw an tluangkhawnnak cu pakpalawng an si,” an ti.

ISAIAH 7:1

Siangpahrang Ahaz nih Judah ram a uk lioah khan raldohnak pakhat a chuak. (Ahaz cu Jotham fapa a si i Jotham cu Uzziah fapa a si.) Siria siangpahrang Rezin le Israel siangpahrang Pekah nih Jerusalem kha an tuk, sihmanhsehlaw an la kho lo. (Pekah cu Remaliah fapa a si.)

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.

JEREMIAH 49:1

Ammon mi hna kong ah Bawipa nih hi bangin a ti: “Israel nih hin fapa a ngei hna lo maw? Rocotu a ngei lo maw? A si kun ah cun, zeicahdah Milkom nih Gad ram cu a co i Amah a biami hna cu Gad ram chung khua ah hin an um?

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.