2 CHANRELNAK 2:7 - Lai (Hakha) Common Language Bible 2006

⁷ Cun ka pa David nih a rak i roihmi hna, Judah ram le Jerusalem i ka sinah a ummi zungthiam hna sin i a um dingah, sui le ngun le dar le thir lei i zung a thiammi, puan sendung, senpau le a dum lei zong i zung a thiammi, cun ṭamhnak zei ṭial paoh a thiammi pakhat in rak ka kua.

2 CHANRELNAK 2:7 ပူးပေါင်းရင်းမြစ်များ

1 SIANGPAHRANG 10:11

Cuhleiah Hiram sangphawlawng rual, Ofir in sui a rak phortu nih khan Ofir in almuk thing tampi le lungvar mansung tampi an rak phorh hna.

1 SIANGPAHRANG 7:14

Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zung thiamnak in a khatmi a si. Siangpahrang Solomon sinah khan a ra i a rian vialte kha a ṭuanpiak.

ISAIAH 28:26

Pathian nih a cawnpiak caah a rian kha a ṭuanning a thiam.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

EZEKIEL 27:5

Na thingrua caah Senir ram farthing kha an hman hna i Na sangphawlawng tung sernak caah Lebanon sidar thing kha an lak hna.