2 CHANRELNAK 2:6 - Lai (Hakha) Common Language Bible 2006

⁶ Asinain vancung, a sang bik vancung hmanh nih khin amah cu a tlum lo caah, aho nih dah inn cu a sakpiak khawh lai? Amah hmai i zihmui khanghnak hmun ca men ah dah ti lo ahcun, amah ca i inn sa dingah cun kei cu aho hen dah ka si i?

2 CHANRELNAK 2:6 ပူးပေါင်းရင်းမြစ်များ

2 SAMUEL 7:18

Khi tikah David cu a lut i Bawipa hmaiah a ṭhu i, “Maw Bawipa Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?

1 SIANGPAHRANG 7:13

Cun Solomon Siangpahrang nih Tair in Hiram kha a hei cah i an ratpi.

1 SIANGPAHRANG 7:14

Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zung thiamnak in a khatmi a si. Siangpahrang Solomon sinah khan a ra i a rian vialte kha a ṭuanpiak.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

1 CHANRELNAK 22:15

Rianṭuantu tlamtling tein na ngei ko: lung attu, lung remhtu, inn sak thiam, zungthiam a phunphun rel cawk lo,

1 CHANRELNAK 29:14

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.

2 CHANRELNAK 1:10

Cucaah hi miphun hmai i chuahnak ca le luhnak caah hin fimnak le hngalhnak ka pe tuah, zeicahtiah hi na mi, a ngan hringhranmi hi aho nih dah a uk khawh hna lai?” tiah a ti.

2 CHANRELNAK 6:18

“Sihmanhsehlaw Pathian nih cun vawlei cungah cun minung sinah hin khua a sa taktak hnga maw? Zohhmanh, van le a sang bik van nih khin an in tlum lo; zeitindah hi keimah sakmi inn chinchin nih cun an tlum hnga!

EXODUS 3:11

Moses nih khan Pathian cu, “Faro sinah va kal i Israel mi Izipt ram in chuahpitu dingah cun kei cu ka tlak lo,” a ti.

EXODUS 31:5

lungvar in ṭamh khawh le thing kha dawh tein suai thiam le aa dawhmi thil phun dangdang ser khawh kha an si.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

2 KORIN 2:16

A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:14

sihmanhsehlaw nanmah phun chung pakhatkhat ah Bawipa nih a thim laimi hmun ah, khika ah nan khangh thawinak cu nan pekchanh hna lai i khika ah nawl kan pekmi vialte hna cu nan tuah lai.

DEUTERONOMI 12:26

Sihmanhsehlaw nan pekchanh awk a simi nan thil thianghlim hna le nan biakam pekchanhnak hna cu nan lak hna lai i Bawipa nih a thim laimi hmun ah cun nan kal lai,