2 CHANRELNAK 2:4 - Lai (Hakha) Common Language Bible 2006

⁴ Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

2 CHANRELNAK 2:4 ပူးပေါင်းရင်းမြစ်များ

1 SIANGPAHRANG 5:5

Cucaah Bawipa nih ka pa David sinah, ‘Nangmah hmun ah, na bawi ṭhutdan cungah ka chiah laimi na fapa nih ka min caah inn cu a sak te lai,’ tiin a rak ti bang khan, Bawipa ka Pathian min caah inn ka sa lai, tiah kaa tim.

1 SIANGPAHRANG 8:18

Sihmanhsehlaw Bawipa nih ka pa David cu a thawh i, ‘Ka min ca i inn sak awk kha na lung chung i a um caah, mah cucu na lung chung i na umter cu a ṭha;

1 SIANGPAHRANG 8:63

Bawipa sin i pekchanhmi daihnak thawinak hna caah Solomon nih cawtum sang hnih thong hnih le, tuu sing khat sang hnih a pekchanh hna. Cuticun siangpahrang le Israel mi vialte nih Bawipa inn cu an pekchanh.

1 CHANRELNAK 22:5

Cun David nih a thawh i, “Ka fapa Solomon hi a ngakchia i zeihmanh a hngal rih lo, cun Bawipa ca i sak dingmi inn cu rumra a um hringhranmi, a minthannak le a sunparnak ram vialte ah a thangmi a si awk a si; cucaah ka rak timhlamh chung lai,” tiah a ti. Cucaah David nih a thih hlanah thilri tampi a damhtak.

2 CHANRELNAK 13:11

Kannih nih cun Bawipa kan Pathian nawlbia kha kan zulh caah Bawipa sinah zinglei fate le zanlei fate khangh thawinak le rim thawmi zihmui kha an pekchanh i sui thiang cabuai cungah khan hun camcinmi changreu kha an hun i zanlei fate sui meivannak tung cu a meiinn kha an alh naklai an zohkhenh; Bawipa nih a kan fialmi kha kan tuah; sihmanhsehlaw nannih nih cun amah cu nan hlawt.

2 CHANRELNAK 2:1

Bawipa min caah biakinn le amah caah siangpahrang inn sak kha Solomon cu aa tim.

SALM 86:8

Bawipa, nangmah bantuk pathian dang ahohmanh an um lo, nangmah tuahmi bantuk a tuah khomi pakhat hmanh an um lo.

SALM 96:4

Bawipa cu a lian a ngan i sang piin thangṭhat awk a si; pathian dang vialte nakin ṭih awk deuh a si.

EXODUS 25:30

Cun ka hmaika cabuai ah khan ka sin i pekchanhmi changreu kha hun zungzal a si lai.

EXODUS 30:7

Aaron nih meiinn kha a zohkhenh hna tikah hi biakṭheng cungah hin zingfate in zihmui kha a khangh lai.

PHUNGTHLÛKBIA 7:20

Tangka zal khat in aa phorh i thlapa a lai tik ceo ah khin inn ah cun a tlung te lai,” a ti.