2 CHANRELNAK 17:9 - Lai (Hakha) Common Language Bible 2006

⁹ Cun Judah ram chungah khan Bawipa phungbia cauk kha an i put i an cawnpiak hna; Judah ram chung khua vialte kha an ṭol i mi kha an cawnpiak hna.

2 CHANRELNAK 17:9 ပူးပေါင်းရင်းမြစ်များ

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

2 CHANRELNAK 19:8

Cuhleiah Jerusalem ah Jehoshafat nih Levi mi tlawmpal, tlangbawi tlawmpal le Israel mi innchungkhar hna lu tlawmpal kha Bawipa ca i biakhiahnak tuah awkah le i almi bia kha ceih awkah, a thiah hna.

2 CHANRELNAK 35:3

Israel mi vialte kha a cawnpiak hna i Bawipa sinah a thiangmi Levi mi kha a thawh hna i, “Israel siangpahrang David fapa Solomon nih a sakmi inn chungah khan kuang thiang kha chia u, nan liang in nan i zawnh a hau ti lai lo. Atu cu Bawipa nan Pathian le a mi Israel mi an rian kha ṭuan tuah u.

NEHEMIAH 8:7

Cun mi zapi cu an umnak hmun i an um lio cio ah khan Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaiah, hna zong nih khan mi zapi cu phungbia kha an hngalh nakhnga an bawmh hna.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

MATTHAI 10:23

Cun khua pakhat i an in hrem hna tikah, khua dang ah va zaam ko u. Hihi kan chimh hna: Mi Fapa a rat hlanah, Israel ram khua dihlak kha nan ṭol dih manh hna lai lo.

MATTHAI 11:1

Jesuh nih a zultu pahleihnih kha hi bia hi a chimh dih hna tikah, cuka hmun cun a chuak i cuka hrawng i a ummi khua ah khan a tlawng i a cawnpiak hna i phung a chimh hna.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

JOHAN 5:46

Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak ṭial cu.

LAMKALTU 13:15

Cuka mi hna nih Moses Nawlbia Cauk chungin le profet hna caṭialmi chungin an rel hnuah pumhnak inn uktu hna nih cun an i thawh i, “U le nau hna, mizapi caah forhnak bia chim awk nan ngeih ahcun chim tuah hna u,” tiah an ti hna,

LAMKALTU 15:21

Zeitintiah Moses Nawlbia kha Sabbath ni fate pumhnak inn kip ah caan saupi rel lengmang a si ko cang i khua kip ah a bia kha chim a si ko cang,” tiah a ti.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 8:40

Filip cu Ashdod ah khan a hung chuak i Sisaria khua tiang khua kip ah aa chawk i Thawngṭha kha a chimh hna.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.