2 CHANRELNAK 17:10 - Lai (Hakha) Common Language Bible 2006

¹⁰ Cun Judah ram pawngkam i a ummi ram vialte cungah khan Bawipa ṭihnak kha a tlung i Jehoshafat kha an do lo.

2 CHANRELNAK 17:10 ပူးပေါင်းရင်းမြစ်များ

GENESIS 35:5

Jakob le a fapa hna cu kal awk i an i thawh tikah khan, an pawngkam khuami hna cungah cun ṭihnak nganpi a tlung i cucaah an dawi ngam hna lo.

2 CHANRELNAK 14:13

Asa le a sin i a ummi hna nih khan Gerar tiang an dawi hna i Ethiopia mi cu a nung in pakhat hmanh an taan lo tiang an thi; zeitintiah annih cu Bawipa le a ralkapbu hmaiah cun an kuai dih. Judah mi nih cun hranchaw tampi an lak.

2 CHANRELNAK 14:14

Gerar pawngkam khua vialte cu an tuk i Bawipa kha an ṭih caah an tei hna. Khua vialte kha an chungah hranchaw tampi an um caah an ramh hna.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 CHANRELNAK 20:29

Cun Bawipa nih Israel mi hna i an ral cu a tuk hna ti an theih tikah ram kip mi nih Bawipa cu an ṭih.

EXODUS 34:24

Nan hmai in miphun dang kha ka ṭhawl hna i nan ram kha ka kauhter hnuah cun, Bawipa nan Pathian ka hmai i chuah awkah kum khat ah voi thum lengmang nan rat tikah hin, hi caan ah hin nan ram cu ahohmanh nih tei an i zuam lai lo.

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

MIKAH 7:17

Rul bantukin leidip kha liak hna seh law Vawlei i a lawn in a lawnmi thilnung bantukin vawlei kha ei hna seh. Annih nih an ralhau chung khan ther lengmang le phang lengmang in hung chuak hna seh law nangmah cu in ṭih hna seh, Maw Bawipa kan Pathian.