2 CHANRELNAK 16:7 - Lai (Hakha) Common Language Bible 2006

⁷ Cu caan ah cun hmutu Hanani kha Judah siangpahrang Asa sinah cun a ra i, “Siria siangpahrang cu naa bochan i Bawipa na Pathian cu naa bochan lo caah, Siria siangpahrang ralkapbu cu na chuahter cang hna.

2 CHANRELNAK 16:7 ပူးပေါင်းရင်းမြစ်များ

1 SIANGPAHRANG 15:19

“Ka pa le na pa karlak i a rak um bangkhan, keimah le nangmah karlak ah ṭanṭinak um seh: zohhmanh, laksawng ah ngun le sui kan kuat; cucaah va kal law Israel siangpahrang Baasha nih hin a ka kirtak nakhnga, amah he nan ṭanṭinak kha chat tuah,” tiah a ti.

1 SIANGPAHRANG 16:1

Cun Baasha kong ah Hanani fapa Jehu sinah Bawipa bia a phan i,

1 SIANGPAHRANG 16:7

Cuhleiah Baasha le a innchungkhar he ralchanh in, a kut tuahmi thil in Bawipa cu a thin a phawh i a mithmuh i ṭhat lonak a tuahmi vialte ca le Jeroboam innchungkhar bantuk a si i a hrawh zong a hrawh caah khan, Hanani fapa profet Jehu sinin Bawipa bia cu a ra.

2 SIANGPAHRANG 18:5

Amah nih Bawipa, Israel Pathian aa bochan; cucaah Judah siangpahrang vialte hna lakah amah hnuah amah bantuk an um ti lo i amah hlan zongah amah bantuk an rak um lo.

1 CHANRELNAK 5:20

cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna.

2 CHANRELNAK 13:18

Cuticun Israel mi hna cu khi tan ah khan an sung i Judah mi hna nih Bawipa, an pupa hna Pathian kha an i bochan caah an tei hna.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 16:6

Cun Siangpahrang Asa nih Judah mi vialte kha aa kalpi hna i Baasha nih Ramah khua sernak i a hmanmi lung le thing kha an phorh hna i Geba le Mizpah khua sernak ah a hman hna.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 20:32

A pa Asa lam kha a zul i a pial tak lo; Bawipa mithmuh i a dikmi kha a tuah.

2 CHANRELNAK 20:34

Jehoshafat tuahsernak a tang rihmi hna cu a hramthawk in a donghnak tiang, Hanani fapa Jehu ṭialmi chanrelnak chungah an um i cucu Israel Siangpahrang hna Cauk chungah khumh a si.

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

ISAIAH 39:3

Khi tikah profet Isaiah cu Siangpahrang Hezekiah sinah khan a va kal i, “Hi mi hna hi khuazei in dah an rat i zeidah an in chimh?” tiah a va hal. Hezekiah nih cun, “Ram hlapi, Babilon ram in an ra,” tiah a leh.