2 CHANRELNAK 15:8 - Lai (Hakha) Common Language Bible 2006

⁸ Asa nih Oded fapa Azariah nih a chimmi bia hna cu a theih tikah, a ral a ṭha i Judah le Benjamin ram chung vialte le Efraim tlangram chung i a lakmi khua hna i a ummi fihnung siasal vialte kha a hlonh dih hna i Bawipa inn innleng hmai i a ummi biakṭheng kha a remh.

2 CHANRELNAK 15:8 ပူးပေါင်းရင်းမြစ်များ

1 SIANGPAHRANG 11:5

Zeitintiah Solomon nih cun Sidon mi hna khuazingnu Ashtoreth le Ammon mi hna pathian fihnung Milkom kha a zulh hna.

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

1 SIANGPAHRANG 15:9

Israel siangpahrang Jeroboam a bawi kum kul kum ah Asa nih Judah ram pen hram aa thawk,

2 SIANGPAHRANG 16:14

Cun Bawipa hmai i a ummi dar biakṭheng kha inn hmailei, amah a biakṭheng le Bawipa inn karlak, khan a ṭhial i a biakṭheng chaklei kamah cun a chiah.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 SIANGPAHRANG 23:13

Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

2 CHANRELNAK 13:19

Cun Abijah nih Jeroboam kha a dawi i a khua kha a chuh hna: Bethel le a pawngkam khuate hna, Jeshanah le a pawngkam khuate hna le Efron le a pawngkam khuate hna.

2 CHANRELNAK 17:2

Judah ram chung i kulhnak ngei khua vialte ah khan ralkap a chiah hna i Judah ram chung le a pa Asa nih Efraim khua a rak lakmi hna chungah khan ralvengtu ralkapbu a chiah hna.

2 CHANRELNAK 19:11

Cun zohhmanh u, Bawipa lei thil vialte ah tlangbawi upa bik Amariah cu nan cungah a um; cun siangpahrang lei thil vialte ah Judah innchungkhar uktu Zebadiah, Ishmael fapa cu nan cungah a um; cun Levi mi hna cu nan biaceihtu bawi hme deuh an si lai. Ralṭha tein tuah u law Bawipa cu miding mi hna sinah cun um ko seh!” tiah a ti.

2 CHANRELNAK 19:4

Jehoshafat cu Jerusalem ah khua a sa; cun Beersheba in Efraim tlangram tiang mi hna sinah khan a kal i an pupa hna Pathian, Bawipa sinah khan a ratpi ṭhan hna.

2 CHANRELNAK 29:18

Cun Siangpahrang Hezekiah sinah cun an va lut i, “Bawipa inn kha kan thianh dih cang, khangh thawinak biakṭheng le a umkheng vialte, hun camcinmi changreu cabuai le a umkheng vialte, kan thianh dih hna.

2 CHANRELNAK 4:1

Dar biakṭheng pakhat a ser i dong kul a sau i dong kul a kau i dong hra a sang.

2 CHANRELNAK 8:12

Cun innleng hmai i a sakmi Bawipa biakṭheng cungah khan Solomon nih Bawipa sinah khangh thawinak kha a pekchanh hna,

ISAIAH 44:14

Cu sernak i hman awkah sidar thing a va hau, asiloah kuhthing maw saipres thing maw tupi chungah khan a va thim. Cucu a duh lo ahcun lawril thing kha a cin in a cin hna i a ṭhantertu hna ding ruah kha a hngah.

ISAIAH 65:4

Zan ah thi tlawn ah lungkua kip le thlan kip ah khan an kal. Hi hna nih hin voksa kha an ei i lawkih raithawinak ah an hmanmi sa tihang kha an din.

JEREMIAH 16:18

Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

EZEKIEL 8:10

Cucaah ka vung lut i khika ah a lawn in a lawnmi saram hna le fihnung a simi saram hna le rungrul cangcel hna hmanthlak hna kha ka hmuh hna; cun Israel mi siasal hna cu vampang ah khan an i suai liangluang ko.

LEVITIKAS 18:30

Cucaah fihnung a simi phung nan hlanah an rak tuahmi hna hi, pakhat hmanh nan tuah ve nakhnga lo le, mah hna hin nan i thurhhnawmh nakhnga lo, ka nawlbia hi i tlaih tuah u: keimah cu Bawipa nan Pathian cu ka si,” tiah a ti.

MATTHAI 25:16

Thong nga a hmumi sal nih khan cu tangka cun chaw a let zau i a dang thong nga a miak a hmuh.

LAMKALTU 28:15

Rom khua i a ummi unau pawl nih kan thawng kha an rak theih i Appius Chawdawrnak Hmun timi hmun le Khual Buk Pathum tiang khan an rak kan don. Paul nih a hmuh hna tikah Pathian kha a lawmh i a thazang a tlung.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.