2 CHANRELNAK 15:7 - Lai (Hakha) Common Language Bible 2006

⁷ Sihmanhsehlaw nannih cu nan lung ṭhawng ko u! Nan kut kha derter hna hlah u, zeitintiah nan rian cu man a ngei lai,” tiah a ti.

2 CHANRELNAK 15:7 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

2 CHANRELNAK 19:11

Cun zohhmanh u, Bawipa lei thil vialte ah tlangbawi upa bik Amariah cu nan cungah a um; cun siangpahrang lei thil vialte ah Judah innchungkhar uktu Zebadiah, Ishmael fapa cu nan cungah a um; cun Levi mi hna cu nan biaceihtu bawi hme deuh an si lai. Ralṭha tein tuah u law Bawipa cu miding mi hna sinah cun um ko seh!” tiah a ti.

2 CHANRELNAK 32:7

“Ṭhawng u law nan ralṭha ko u. Assiria siangpahrang le a sinah a ummi mibu cu ṭih hna hlah u law nan lung zong dong hlah seh; zeicahtiah a ngan deuhmi pakhat a sin i a um lomi kan sinah a um.

SALM 19:11

Na sal hi hngalhnak an ka pek i ka zulh hna caah laksawng ka hmu.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

JEREMIAH 31:16

Bawipa nih hi bangin a ti: “Fak piin na ṭah lengmang ko cu ngol cang law na mitthli thla ti hlah; Zeicahtiah na rianṭuan man ah laksawng kan pek lai, Annih cu an ral hna ram in an kir ṭhan lai.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

ZEKHARIAH 8:9

Mah hihi ralkapbu Bawipa bia a si: Biakinn cu sak a si ṭhan lai, tiin profet hna nih, ralkapbu Bawipa inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung ṭhawng in um tuah u.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

MATTHAI 5:46

Zeicahdah an dawtu hna lawng nan dawt hna tikah, Pathian nih laksawng an pek hna lai? Ngunkhuai khawltu hna hmanh nih cucu an tuah ko ṭung.

MATTHAI 6:1

“Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo.

MATTHAI 6:18

cuticun midang nih rawl an ul ti awk kha an in hngal kho hna lai lo i hmuh khawh lomi nan Pa lawnglawng nih a hngalh lai. Cun a thli tein nan tuahmi a hmutu nan Pa nih laksawng an pek hna lai.

MATTHAI 6:4

nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.

MATTHAI 6:6

Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

1 KORIN 3:14

Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

KOLOSE 3:24

Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

JOSHUA 14:14

Cucaah Hebron cu Keniz phun Jefunneh fapa Kaleb ro ah, Bawipa, Israel Pathian kha fek tein a rak zulh caah, nihin ni tiang hin a cang.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.