2 CHANRELNAK 15:16 - Lai (Hakha) Common Language Bible 2006

¹⁶ A nu Maakah hmanh kha Asherah caah fihnung siasal a ser caah, Siangpahrang Asa nih, siangpahrang bawinu a sinak khan a phuah. A siasal cu a hau i a den cikcek i Kidron varek ah a khangh.

2 CHANRELNAK 15:16 ပူးပေါင်းရင်းမြစ်များ

1 SIANGPAHRANG 15:10

Jerusalem ah kum sawm li le kum khat a bawi. A pi min cu Maakah, Abishalom fanu a si.

1 SIANGPAHRANG 15:2

Jerusalem ah kum thum bawi a si. A nu min cu Maakah a si, Abishalom fanu a si.

2 SIANGPAHRANG 23:12

Cun Ahaz cung dot inncung i a ummi biakṭheng, Judah siangpahrang hna nih an sermi hna kha le Manasseh nih Bawipa inntual pahnih chung i biakṭheng a sermi hna kha a chimh hna i a den cikcek hna, cun a dip cu Kidron tiva ah a paih hna.

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

2 SIANGPAHRANG 23:4

Cun siangpahrang nih tlangbawi ngan Hilkiah le a niam deuhmi tlangbawi hna kha le innleng cawngtu hna kha Bawipa biaknak inn chungin Baal le Asherah le van i a ummi thil hna ca i sermi umkheng vialte kha chuah dih awkah a fial hna; Jerusalem khua leng Kidron lo chungah khan a khangh hna i an vutcam cu Bethel ah a kalpi hna.

2 SIANGPAHRANG 23:6

Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

2 CHANRELNAK 15:17

Sihmanhsehlaw khuahrum bo hna kha cu Israel ram chungin a hlo hna lo. Asinain Asa lungthin cu a chan chung vialte soisel awk um lo a si.

2 CHANRELNAK 29:16

Tlangbawi hna cu Bawipa inn chungchin thianh awkah khan an lut i Bawipa biakinn chungah thurhhnawmhnak an hmuhmi vialte kha Bawipa inn inntual ah an chuahpi hna i Levi mi hna nih khan an lak i Kidron tivarek ah khan an kalpi.

2 CHANRELNAK 30:14

Cun rian cu an thawk i Jerusalem i a ummi biakṭheng vialte kha an ṭhial i zihmui khanghnak biakṭheng vialte kha an lak hna i Kidron horkuang ah an hlonh hna.

2 CHANRELNAK 34:7

Israel ram chung dihlak ah, biakṭheng hna kha a chimh hna i Asherim le milem hna kha dip tein a rial hna i zihmui biakṭheng kha a hau hna. Cun Jerusalem ah a kir.

EXODUS 32:20

An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

ZEKHARIAH 13:3

Cun profet kha an chuah ṭhan ahcun, an nu le an pa hrimhrim hna nih khan an thawh hna lai i, “Bawipa min in ahmaan lomi bia nan chim caah nan nung ti lai lo,” an ti hna lai. Anmah nih bia kha an chim peng ko ahcun, an nu le an pa hrimhrim nih khan, tleng lakin an chunh hna lai.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

JOHAN 18:1

Jesuh nih hi bangin thla a cam dih hnuah a zultu hna he khan Kidron varek ralchan ah khan an kal. Cuka ah cun dum pakhat a um i cu dum chungah cun Jesuh le a zultu hna cu an lut.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.

DEUTERONOMI 7:5

Sihmanhsehlaw hi bangin annih cungah nan tuah lai: an biakṭheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai.

DEUTERONOMI 9:21

Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.