2 CHANRELNAK 14:7 - Lai (Hakha) Common Language Bible 2006

⁷ Cun Judah mi cu a thawh hna i, “Hi khua hi ser hna u sih law vampang le innsang le kutka le kothrolh in kulh hna u sih; Bawipa kan Pathian cu kan kawl caah ram cu kanmah ta a si rih; kannih nih amah kha kan kawl i anih nih a kenkip ah daihnak a kan pek,” tiah a ti. Cuticun khua cu an ser hna i an hungcho.

2 CHANRELNAK 14:7 ပူးပေါင်းရင်းမြစ်များ

1 SIANGPAHRANG 15:23

Asa tuahsernak a tang rihmi hna le a ṭhawnnak vialte, a tuahmi vialte le khua a sermi vialte hna cu, Judah Siangpahrang hna Chanrelnak Cauk chungah an i ṭial lo mei? Sihmanhsehlaw a tar leiah a ke ah hma a ing.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 14:4

Judah mi hna cu Bawipa, an pupa hna Pathian kha kawl awkah le phungbia le nawlbia kha zulh awkah nawl a pek hna.

2 CHANRELNAK 14:6

Ram cu a daih caah Judah ram chungah khan kulh ngeimi khua a ser hna. Cu kum hna chungah cun Bawipa nih daihnak a pek caah ral a ngei lo.

2 CHANRELNAK 15:15

Cun Judah mi vialte cu an biakam chiatsernak ah cun an i lawm; zeicahtiah an lungtak tein chiatsernak cu an tuah i an duhnak dihlak in amah cu an kawl i amah cu an hmuh i an velchum ah Bawipa nih dinhnak a pek hna.

2 CHANRELNAK 17:13

Judah ram khua chungah khan thil tampi a khon hna. Jerusalem ah ralkap a ṭhawng i a ral a ṭhami a chiah hna.

2 CHANRELNAK 17:17

Benjamin chungin: mit:hawng mi ralṭha Eliada, amah sinah cun likuk le phaw a ngeimi sing hnih an um,

2 CHANRELNAK 20:30

Cucaah a Pathian nih a velchum in dinhnak a pek caah Jehoshafat pennak cu a dai.

2 CHANRELNAK 25:5

Cun Amaziah nih Judah rammi kha a pumh hna i Judah le Benjamin dihlak ca i a thong pawl haotu hna le a za pawl haotu hna tangah khan an pale chungkhar ning cio ah a chiah hna. Kum kul le a cunglei mi kha a pumh hna i annih cu thim khunmi sing thum, raldoh awk ca i aa tlakmi, fei le phaw a tlai kho an si kha a hmuh.

2 CHANRELNAK 26:13

Anmah kut tangah cun siangpahrang kha a ral hna tuk awkah a bawm khotu, raltuknak i a ṭhawng ngaingaimi ralkap sing thum thong sarih le za nga an um.

2 CHANRELNAK 32:5

Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna.

2 CHANRELNAK 8:5

Kulhmi khua, hau le kutka le a hrenhnak a ngeimi Beth-horon Cungnung le Beth-horon Tangnung le

JOHAN 9:4

Chun a si chung cu a ka thlahtu rian kha kan ṭuan zungzal awk a si; ahohmanh nih an ṭuan khawh lo caan, zan caan kha a ra lio.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

JOSHUA 23:1

Caan saupi hnuah, Bawipa nih Israel mi hna cu an velchum i an ral hna sinin dinhnak a pek hna tik le Joshua cu a upat i a tar ngaingai tikah,

1 PETER 3:12

Zeicahtiah Bawipa nih a dingmi cu a mit in a ven hna i an thlacamnak kha a ngaih zungzal; Sihmanhsehlaw ṭhat lonak a tuahmi cu a doh hna.”