2 CHANRELNAK 14:6 - Lai (Hakha) Common Language Bible 2006

⁶ Ram cu a daih caah Judah ram chungah khan kulh ngeimi khua a ser hna. Cu kum hna chungah cun Bawipa nih daihnak a pek caah ral a ngei lo.

2 CHANRELNAK 14:6 ပူးပေါင်းရင်းမြစ်များ

1 SIANGPAHRANG 5:4

Sihmanhsehlaw atu cu Bawipa ka Pathian nih a kenkip ah daihnak a ka pek i ral siseh, vanchiatnak siseh a um lo.

1 CHANRELNAK 22:13

Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

2 CHANRELNAK 15:15

Cun Judah mi vialte cu an biakam chiatsernak ah cun an i lawm; zeicahtiah an lungtak tein chiatsernak cu an tuah i an duhnak dihlak in amah cu an kawl i amah cu an hmuh i an velchum ah Bawipa nih dinhnak a pek hna.

2 CHANRELNAK 17:4

sihmanhsehlaw a pa Pathian kha a kawl i Israel mi nih an zulhmi lam si loin a nawlbia kha a zulh.

2 CHANRELNAK 20:30

Cucaah a Pathian nih a velchum in dinhnak a pek caah Jehoshafat pennak cu a dai.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

2 CHANRELNAK 31:21

Cun Pathian inn rian le phungbia le nawlbia he aa tlak in a tuahmi rian vialte ah, Pathian a kawlnak ah, a lungthin dihlak in a ṭuan i khua awng a tong.

2 CHANRELNAK 34:3

Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

JOSHUA 23:1

Caan saupi hnuah, Bawipa nih Israel mi hna cu an velchum i an ral hna sinin dinhnak a pek hna tik le Joshua cu a upat i a tar ngaingai tikah,

BIACEIHTU 3:11

Cucaah ram cu kum sawm li aa din. Cun Kenaz fapa Othniel cu a thi.

BIACEIHTU 3:30

Cucaah cu ni ah cun Moab cu Israel kut tangah an sung. Cun ram cu kum sawm riat chung aa din.

BIACEIHTU 5:31

“Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.