2 CHANRELNAK 13:9 - Lai (Hakha) Common Language Bible 2006

⁹ Nannih nih Bawipa tlangbawi hna, Aaron fapa hna le Levi mi hna kha nan dawi hna i ramdangmi hna bantukin tlangbawi nanmahte in nan i ser hna lo mei? Ahopaoh cawtum no in siseh tuukawng pasarih in siseh aa thianhmi paoh cu pathian a si ṭung lomi hna tlangbawi ah khan an cang ko.

2 CHANRELNAK 13:9 ပူးပေါင်းရင်းမြစ်များ

1 SIANGPAHRANG 13:33

Hi thil hnu zongah hin Jeroboam cu lam ṭhalo a zulhmi khan aa mer hlei lo, sihmanhsehlaw khuahrumbo ca i tlangbawi cu mi zapi lak khan a ser hna; tlangbawi si a duhmi paoh kha khuahrumbo tlangbawi caah cun a thianter duahmah ko hna.

2 SIANGPAHRANG 19:18

an pathian hna cu mei chungah an paih taktak hna; zeitintiah annih cu pathian an si lo, mi kut serchommi men an si, thing le lung an si; cucaah cun annih cu hrawh an si.

1 CHANRELNAK 29:5

cun zungthiam hna tuah awk a simi caah sui thilri caah sui, ngun thilri caah ngun kha ka thawh hna. Cucaah nihin ah hin Bawipa sinah mah le mah i pekchanh in lungtho tein ahodah siannak in a tho vemi nan si lai?” tiah a ti.

2 CHANRELNAK 13:10

Sihmanhsehlaw kannih tu cu, Bawipa cu kan Pathian a si i amah cu kan hlaw lo. Bawipa rian a ṭuantu ah tlangbawi Aaron fapa hna kha kan ngei hna i an rian a ṭuantu ah Levi mi kha kan ngei hna.

2 CHANRELNAK 29:31

Khi tikah Hezekiah nih, “Nannih nih Bawipa sinah nan i thianh cang; ra u law raithawinak le lawmhnak thawinak cu Bawipa inn ah rak pu tuah hna u,” tiah a ti. Cun aa pummi nih raithawinak hna le lawmhnak thawinak hna kha an rak put i duhnak lungthin a ngeimi paoh nih khan khangh thawinak an rak put.

EXODUS 29:1

“Aaron le a fapa hna cu ka tlangbawi rian ṭuan awk i nan thleidan hna tikah hitihin nan tuah lai. Cawtum no pakhat le tuukawng pahnih, do a tlami kha nan lak hna lai i

EXODUS 29:29

“Aaron thilthuam thiang hna cu a fapale kha, a thih tikah pek chin an si lai i cu thuam thiang cun a fapale cu chiti toih le thleidan an si lai.

EXODUS 29:35

“Aaron le a fapa hna caah hin kan chimhning bantukte in na tuah lai. An caah thleidannak na tuahmi hi ni sarih chung a si lai.

EXODUS 32:29

Moses nih Levi mi cu a thawh hna i, “Nihin ah hin Bawipa tlangbawi rian ṭuan awkah nan i thleidang cang; cu nan i thleidannak cu nan fale hna le nan unau hna nan thah hna thawng hin a si; cucaah nannih cu Bawipa nih nihin ah a thluachuahnak an pek hna,” a ti.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

JEREMIAH 5:7

Zeitindah kan ngaihthiam khawh hna lai? Nan fale nih an ka hlawt i pathian a si lomi pathian kha chiatsernak ah an hman hna. Khim tein ka cawm hna, sihmanhsehlaw vacung pa duh kha an i thim deuh i Hlawhhlangnu inn ah khan an va kal lengmang.

HOSEA 8:6

Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

LEVITIKAS 16:32

Cun tlangbawi a pa hmun i tlangbawi si awk i chiti thuhmi le thleidanmi nih la hmangṭhia thil puan thiang kha i hruk in remnak kha a ser lai;

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

GALATI 4:8

Hlanah cun Pathian kha nan rak hngal lo, cucaah Pathian a si lomi thil sal kha nan rak si.

DEUTERONOMI 32:17

Nan pupa hna nih an ṭih bal lomi, Tunaite ah a chuakmi pathian hna, An hngalh bal lomi pathian hna, Pathian a si lomi khuachia hna sinah cun rai an thawi.