2 CHANRELNAK 13:7 - Lai (Hakha) Common Language Bible 2006

⁷ cun Rehoboam cu a no i lungthin fek a ngeih rih hlanah khan, mizeiruaramlo le santlailo pawl kha a sinah an i ṭom i Solomon fapa Rehoboam cu an doh i anih nih a rak celh hna lo.

2 CHANRELNAK 13:7 ပူးပေါင်းရင်းမြစ်များ

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

2 CHANRELNAK 10:16

Cun Israel mi vialte nih siangpahrang nih kan bia a ngai lo ti kha an hmuh tikah, mizapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam cio ah kal dih u! David, nangmahte nih na innchungkhar cu i zohkhenh ko,” an ti. Cucaah Israel mi vialte cu an thlam cio ah an tlung dih.

2 CHANRELNAK 12:13

Cucaah Siangpahrang Rehoboam cu Jerusalem ah cun aa fehter i khika in a pen hna. Rehoboam cu bawi hram aa thawk tikah khan kum sawm li le kum khat a si i Jerusalem ah kum hleisarih a bawi, cu khua cu Israel miphun dihlak chungin khika i a min chiah awkah Bawipa nih aa thimmi a si. A nu min cu Naamah a si, amah cu Ammon mi a si.

JOB 30:8

Zeiruaramlo tefa rual, minung sinin ṭhawlmi an si.

SALM 26:4

Hlen hmangmi kha ka kom hna lo i mihrokhrawl zong kha ka kom hna lo.

PHUNGTHLÛKBIA 12:11

Amah a lote a thlo lengmangmi cu ei awk a za in a ngei, sihmanhsehlaw san a tlai lomi rian i caan pakpalawng i hman cu hruh a si.

PHUNGTHLÛKBIA 28:19

A vawlei ṭha tein a thlomi cu rawl tampi a ngei lai, sihmanhsehlaw santlailo rian pakpalawng a dawi lengmangmi cu a si a fak lai.

PHUNGCHIMTU 10:16

A siangpahrang a lung fawi tein tei khawh a simi ram cu harnak a phan tawn, A bawile hna zan khuadei in puai ah aa nuammi ram cu harnak a phan ṭheo.

ISAIAH 3:4

Annih cu kum tling lo ngakchia nih an uk hna lai.

LAMKALTU 17:5

Sihmanhsehlaw Judah mi kha an nah a chuak i khualak i a vak sawhsawhmi zeiruaramlo minung pawl kha an pumh hna i cu hna cu an au an khuang i khua kha a ning piin hnahnawhnak an tuah. Jason inn kha an va nam i an i ruahnak ah cun khika ah khan Paul le Silas kha an rak um lai i mizapi hmaiah kan chuahpi hna lai an ti.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

TITAS 1:10

Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter.

HEBRU 5:12

Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.

BIACEIHTU 11:3

Khi tikah Jepthah cu a unau hna sinin a zam i Tobram ah a um; cun santlailo pawl kha Jepthah sinah cun an i pumkhawm i amah he cun ral an hranh tawn.

BIACEIHTU 9:4

Cun Baal-berith inn chungin ngun phar sawm sarih an pek i cu cun Abimelek nih cun mitoktawlol le mikhongkhol kha aa roih hna i amah kha an zulh.

1 SAMUEL 22:2

Cun harnak a tongmi paoh le leiba a ngeimi paoh le a lung a tling lomi paoh nih khan amah cu an fuh; cun annih hna haotu ah a cang. Cun amah sinah cun mi za li tluk an um.