2 CHANRELNAK 11:4 - Lai (Hakha) Common Language Bible 2006

⁴ ‘Hi bangin Bawipa nih, Nan hung kal awk a si lai lo i nan unau Israel mi cu a doh zong nan hung do hna lai lo. Hi thil cu keimah sinin a rami a si caah nan inn cio ah kir dih u, a ti,’ tiah va chim,” tiah a ti. Cucaah Bawipa bia cu an ngaih i an kir i Jeroboam cu an doh lo.

2 CHANRELNAK 11:4 ပူးပေါင်းရင်းမြစ်များ

GENESIS 13:8

Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo.

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

2 SAMUEL 2:26

Cun Abner nih Joab kha a hei auh i, “Zungzal in maw mah le mah hi kan i doh ko lai! A donghnak cu a fak lai tiah na hngal ko lo maw? Na mi hna cu, nan unau hna dawi hi ngol cang u, tiah zeitik ah dah na ti hna lai,” tiah a ti.

1 SIANGPAHRANG 22:36

Cun ni a tlak hnik lioah khin, ralkapbu chungah cun, “Nanmah le nan khua cio, nanmah le nan ram cio ah tlung dih u luao,” tiin au thawng pakhat a hung um.

2 CHANRELNAK 11:3

“Judah siangpahrang Rehoboam, Solomon fapa le Judah le Benjamin ram chung i a ummi Israel mi vialte sinah khan,

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

HOSEA 8:4

Siangpahrang kha an ser hna, sihmanhsehlaw keimah duhning in a si lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an i ser hna.

LAMKALTU 7:26

A thaizing ah Israel mi pahnih an i velh kha a hmuh hna i an karlak i remnak ser kha aa zuam. A thawh hna i, “Ka duale hna, ka bia hi ngai tuah u, nannih cu u le nau pei nan si cu, zeicahdah pakhat le pakhat nan i velh?” tiah a ti hna.

HEBRU 13:1

Khrih chungah unau nan si bantukin pakhat le pakhat i daw zungzal u.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.