2 CHANRELNAK 10:16 - Lai (Hakha) Common Language Bible 2006

¹⁶ Cun Israel mi vialte nih siangpahrang nih kan bia a ngai lo ti kha an hmuh tikah, mizapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam cio ah kal dih u! David, nangmahte nih na innchungkhar cu i zohkhenh ko,” an ti. Cucaah Israel mi vialte cu an thlam cio ah an tlung dih.

2 CHANRELNAK 10:16 ပူးပေါင်းရင်းမြစ်များ

2 SAMUEL 15:13

Cun lamkaltu pakhat David sinah khan a ra i, “Israel mi cu Absalom leiah an lungthin a tlu cang,” tiah a ti.

2 SAMUEL 16:11

Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.

1 CHANRELNAK 17:14

sihmanhsehlaw ka inn chungah le ka pennak chungah amah cu ka fehter lai i a bawi ṭhutdan cu zungzal in a hmun lai,’ a ti,” tiah a ti.

2 CHANRELNAK 10:17

Sihmanhsehlaw Judah ram khua chung i a ummi Israel mi kha cu Rehoboam nih a uk hna.

2 CHANRELNAK 10:19

Cucaah Israel mi hna nih cun David innchungkhar cu nihin ni tiang hin an doh hna.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

JOHAN 6:66

Cu ruangah cun a zultu tampi cu an i let ṭhan i an zul ti lo.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.

1 KORIN 15:25

Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

BIACEIHTU 8:35

cun Jerubbaal (cucu Gideon kha a si) innchungkhar cung zongah khan, Israel mi cung i ṭhatnak a tuahmi vialte caah khan, zaangfahnak an langhter lo.

1 SAMUEL 20:27

Sihmanhsehlaw a ni hnihnak ni, thla thar thaizing ah khan, David umnak cu a lawng ṭhiamṭhiam. Cun Saul nih a fapa Jonathan sinah khan, “Zeicahdah Jesse fapa hi nizan he nihin he rawl ei ah a rat lo?” tiah a ti.

1 SAMUEL 22:13

Cun Saul nih amah cu, “Zeicahdah nannih nih nan ka rawiphiar, nangmah le Jesse fapa nih hin, nangmah nih changreu le nam kha na pek i Pathian sin hawi ah na hei halpiak, cucaah cun amah nih keimah cu doh awk le bawh awkah, nihin ah a si bang hin a tho,” tiah a ti.

1 SAMUEL 22:7

Cun a velchum i a dirmi a sinum hna sinah cun Saul nih a thawh i, “Nannih Benjamin mi hna, thei tuah u; Jesse fapa nih cun nan dihlak te hin maw lo le mitsur dum an pek cio hna lai i a thongthong haotu ah le a zaza haotu ah an ser cio hna lai,

1 SAMUEL 22:9

Cu tikah Edom mi Doeg, Saul sinum hna pawng i a dirmi nih khan a hun leh i, “Jesse fapa cu Nob ah, Ahitub fapa Ahimelek sinah a rat kha ka hmuh i,