2 CHANRELNAK 10:11 - Lai (Hakha) Common Language Bible 2006

¹¹ Cucaah atu cu ka pa nih nan cung i a ritmi seihnam a chiahmi ah khan kan chap chin hna lai. Ka pa nih fungfek in an chimhhrin hna, sihmanhsehlaw kei nih cun tlang ngaikuang in kan chimhhrin hna lai,’ na ti lai,” tiah an ti.

2 CHANRELNAK 10:11 ပူးပေါင်းရင်းမြစ်များ

2 CHANRELNAK 10:10

Cun amah ṭhirual tlangval hna nih khan amah cu, “ ‘Na pa nih cun kan seihnam kha a rihter ko, sihmanhsehlaw nang nih cun kan zaanterpiak ko,’ tiah na sinah a titu hna sinah cun hi bangin na chim lai, ‘Ka hngete cu ka pa tai nakin a chah deuh.

2 CHANRELNAK 10:12

Cucaah siangpahrang nih, “Ni thumnak ni ah ka sinah ra te u,” tiah a ti bang khan, Jeroboam le mi vialte cu Rehoboam sinah ni thumnak ni ah an ra.

EXODUS 5:18

Nan rian ah khan kal zokzok u. Capawl zeihmanh an in pe hna lai lo, sihmanhsehlaw cu zat cu nan ser awk a si timi zat ṭhiamṭhiam khan tlakrawh cu nan ser lai,” a ti hna.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

LUKA 10:19

Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;

BIAPHUAN 9:10

Tlangngaikuang bantukin mei le mi henhnak zum an ngei i an mei cun minung cu thla nga chung fahnak an pek khawh hna.

BIAPHUAN 9:3

Meikhu chung cun khaubawk an chuak i vawlei cungah an rung ṭum; tlangngaikuang ṭhawnnak bantuk kha khaubawk cu an pek hna.

BIAPHUAN 9:5

Hi mi hna thah cu khaubawk kha onh an si lo, a hrem lawng thla nga chung nan hrem hna lai, ti an si. Cu an hrem hnanak fahning cu tlangngaikuang mi henh bantuk khi a si lai.

1 SAMUEL 8:18

Cun khi ni ah nanmahte nih nan i thimmi nan siangpahrang ruangah nannih cu nan ai len te lai; sihmanhsehlaw Bawipa nih khi ni ah cun an let hna lai lo,” tiah a ti.