2 CHANRELNAK 1:2 - Lai (Hakha) Common Language Bible 2006

² Solomon nih cun Israel mi vialte, a thongthong pawl haotu si hna seh, a zaza pawl haotu si hna seh, biaceihtu si hna seh, Israel ram chung i hruaitu a simi, innchungkhar lu a si ciomi vialte hna kha bia a chimh hna.

2 CHANRELNAK 1:2 ပူးပေါင်းရင်းမြစ်များ

1 SIANGPAHRANG 3:4

Cun siangpahrang cu raithawi awkah Gibeon ah a kal, zeicahtiah mah cucu an khuahrum bo ngan a si; Solomon nih khika biakṭheng cungah khan khangh thawinak thong khat a pekchanh tawn.

1 CHANRELNAK 13:1

David nih a thong pawl haotu hna le a za pawl haotu hna le haotu paohpaoh kha lungthin cheuh awk a hal hna.

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

1 CHANRELNAK 24:31

Siangpahrang David, Zadok, Ahimelek le tlangbawi hna le Levi mi hna an pale innchungkhar lu cio hna hmaiah Aaron fapa an unau hna nih an tuah bang khan, pale innchungkhar i lu a si ciomi hna le an nau le cio nih khan, camcawhfung cu an zuh ve.

1 CHANRELNAK 24:4

Eleazar fapa hna lakah Ithamar fapa hna chung nakin mi upa an tam deuh caah Eleazar fapa hna chung cun innchungkhar haotu hleiruk an chiah hna i Ithamar fapa hna chungin pariat an chiah hna.

1 CHANRELNAK 27:1

Mah hihi Israel mi, an pale innchungkhar hna lu a si ciomi, a thongthong pawl a uktu hna le a zaza pawl a uktu hna le an bawi pawl hna, a chuak a lut lengmangmi bu pipi hna he aa pehtlaimi rian i thla khat hnu thla khat in kum chuak tiang siangpahrang cu a rian a ṭuanpiaktu hna cazin cu a si, bu khat cu sang hnih thong li an si:

1 CHANRELNAK 28:1

David nih Jerusalem ah Israel mi bawi vialte, an phun chung bawi hna, siangpahrang rian a ṭuanmi ralkapbu bawi hna, a thongthong pawl a haotu hna, a zaza pawl a haotu hna, siangpahrang le a fapa hna i an thilri le saṭil a cawngtu hna kha siangpahrang inn bawi hna le miṭhawng hna le ralkap ṭhawng vialte hna he khan hmunkhat ah a pumh hna.

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

2 CHANRELNAK 1:3

Cun Solomon le a sinah aa pummi vialte hna cu Gibeon i a ummi khuahrum bo ah khan an kal; zeicahtiah Bawipa sal Moses nih ramlak ah a sermi Pathian tonnak thlam kha khika ah cun a um.

2 CHANRELNAK 29:20

Cun Siangpahrang Hezekiah cu zingka tein a tho i khua chung bawi kha a pumh hna i Bawipa inn ah khan a hung kal.

2 CHANRELNAK 30:2

Zeicahtiah siangpahrang le a bawi pawl hna le Jerusalem i aa pummi vialte nih Lanhtak Puai cu thla hnihnak thla i ulh dingin bia an khiah —