2 CHANRELNAK 1:12 - Lai (Hakha) Common Language Bible 2006

¹² fimnak le hngalhnak cu kan pek. Nangmah hlan i a rak ummi siangpahrang hna nih an rak ngeih bal lo i nangmah hnu i a um laimi zong nih an ngeih bal lai lomi rumnak le chawva le upatnak zong kan pek fawn lai,” tiah a ti.

2 CHANRELNAK 1:12 ပူးပေါင်းရင်းမြစ်များ

1 SIANGPAHRANG 10:24

Cun Solomon cu a lung chung i fimnak Pathian nih a chiahmi theih awkah khan vawleicung mi dihlak nih khan an fuh.

1 CHANRELNAK 29:12

Rumnak siseh upatnak siseh nangmah sinin a rami an si i nangmah nih zeizong vialte kha na uk dih. Na kut chungah hin ṭhawnnak le thazang an um i na kut chungah hin mi vialte nganter khawhnak le thazang pek khawhnak a um.

1 CHANRELNAK 29:25

Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek.

2 CHANRELNAK 9:22

Cuticun Siangpahrang Solomon nih vawlei cung siangpahrang vialte cu rumnak le fimnak ah a lonh dih hna.

NEHEMIAH 13:26

Cu bantuk nu hna ruangah cun a si lo maw Israel siangpahrang Solomon nih a sual kha? Miphun tampi hna lakah amah bantuk siangpahrang ahohmanh an um lo i amah cu Pathian nih a dawt i Israel mi vialte cungah cun siangpahrang ah a ser; sihmanhsehlaw amah hmanh cu ramdang minu hna nih an sualter ko.

PHUNGCHIMTU 2:9

Ka ngan taktak ko, Jerusalem khua i a rak ummi aho nak hmanh khan ka ngan deuh ko i ka fim ngaingai fawn.

PHUNGCHIMTU 5:19

Pathian nih mi pakhat khat cu rumnak le thilri a pek i cucu a nuamhpiter hna ahcun, Pathian sinah aa lawmh awk a si ko i a ṭuanmi cu aa nuamhpi awk a si ko. Cucu Pathian laksawng pei a si cu.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

EFESA 3:20

Kan chungah rian a ṭuantu a ṭhawnnak thawngin kan hal khawh leng le kan ruah khawh lengin thil a tuah khotu Pathian cu,

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.