2TIMOTE 4:7 - Lai (Hakha) Common Language Bible 2006

⁷ Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

Laibaibal Thiang (BSI)

⁷ Raldohnâk ṭha cu ka tei cang, tlik zuamnâk ah a donghtiang ka tli cang i zumhnâk kha kâ tlaih cang.

2TIMOTE 4:7 ပူးပေါင်းရင်းမြစ်များ

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

NAMBAR 8:25

cun kum sawm nga an ti in rian an i tlaihmi kha an ngol lai i an ṭuan ti lai lo,

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

JOHAN 17:6

“Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

LAMKALTU 13:25

Cun Johan nih a rian cu a lim dengmang tikah mizapi cu a thawh hna i, ‘Aho a si ti ah dah nan ka ruah? Keimah cu nan hngahmi hi ka si lo. Sihmanhsehlaw zohhmanh u, amah cu ka hnu in a ra lio i kei cu a kedan phoihtu hmanh ah kaa tlak lo,’ tiah a ti hna.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

FILIPI 1:30

Cucaah i dohnak chungah hin ka sinah nan i tel ve kho lai; hi i dohnak cu, hlan i ka rak dohmi nan rak hmuh cangmi le atu zong i ka doh lengmangmi nan rak theihmi ṭhiamṭhiam hi a si ko.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

2TIMOTE 1:14

Kan chungah a ummi Thiang Thlarau ṭhawnnak thawngin na kut chungah chiahmi thil ṭha kha him tein keng hna.

2TIMOTE 3:10

Sihmanhsehlaw nang nih cun kaan cawnpiaknak le ka ziaza le ka nunnak i kaa tinhmi kha na zulh hna; zumhnak ka ngeihmi le ka lungsaunak le ka dawtnak ngeihmi le ka in khawhnak ngeihmi le

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 3:8

Na tuahmi kha ka hngalh; na thazang a tlawm nain kan cawnpiakmi na zulh le ka cungah zumh awk tlak na si kha ka hngalh. Innka pakhat kaan hunpiak i ahohmanh nih an khar kho lai lo.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

BIACEIHTU 3:2

Israel mi tefa hna nih raldohnak an hngalh nakhnga ca lawng le, cu hlan i raltuk a rak hngal bal lomi hna tei kha raldohnak a cawnpiak hna nakhnga ca lawngah a si.