2TIMOTE 4:18 - Lai (Hakha) Common Language Bible 2006

¹⁸ Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.

Laibaibal Thiang (BSI)

¹⁸ Cun Bawipa nih sual rianṭuannâk vialte chungin a kan khamh lai i a vanlei pennâk ah him tein a kan phâkter lai. Amah sinah zungzal in zungzal tiang sunparnâk um ko seh. Amen!

2TIMOTE 4:18 ပူးပေါင်းရင်းမြစ်များ

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

SALM 121:7

Bawipa nih ṭihnak chungin an huhphenh lai i him tein an chiah lai.

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

SALM 92:10

Nangmah nih fungtum bantuk ṭhawng ah na ka ser; thluachuahnak na ka pek i ka lung aa lawm.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

LUKA 11:4

Kan cung i a sualmi hna kha kan ngaihthiam hna caah Kan sualnak kha kan ngaithiam. Cun a harmi hneksaknak kan phakter hlah,’ nan ti lai,” a ti.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 22:29

cun ka Pa nih uknak nawl a ka pek bantukin kei zong nih nannih he biakamnak ka tuah lai.

JOHAN 17:15

Vawlei cung hin la hna tiah kan nawl a si lo, sihmanhsehlaw Mi Ṭhalopa sin khan him tein chia ko hna ti kha kan nawl.

ROM 11:36

Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.

ROM 16:27

Amah lawnglawng Pathian a si i Amah lawnglawng zeizong vialte a hngal dihtu a simi cu, Jesuh Khrih thawngin zungzal in zungzal tiang thangṭhat si ko seh. Amen.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

1 KORIN 15:50

Ka u le ka nau hna, ka chim duhmi cu hihi a si: thi le sa nih cun Pathian Pennak cu a co kho lai lo, cun a thi khomi nih hin thih khawh lonak cu a co kho ve lai lo.

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

GALATI 1:5

Pathian cu zungzal donglo in sunparnak pek si ko seh! Amen.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

2 THESALON 3:3

Bawipa cu zumh awk tlak a si ko. An ṭhawnter hna lai i Miṭhalo Pa sin khan him tein an umter ko hna lai.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

2TIMOTE 4:1

Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn;

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

1 PETER 5:11

Lianhngannak cu zungzal in amah ta si ko seh! Amen.

2 PETER 1:11

Cuticun kan Bawipa le kan Khamhtu Jesuh Khrih Pennak, zungzal in a hmunmi chungah khan luhnak nawl nan hmu lai.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.