2TIMOTE 4:17 - Lai (Hakha) Common Language Bible 2006

¹⁷ Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

Laibaibal Thiang (BSI)

¹⁷ Asinain Bawipa nih a ka dirpi i thazâng a ka pêk, cuticun Gentel mi vialte theih khawh in thawngṭha ka chim khawhnâk cu a si. Cuhlei ah chiandeih kâ chungin khamh ka si.

2TIMOTE 4:17 ပူးပေါင်းရင်းမြစ်များ

SALM 109:31

zeicahtiah sifakmi a chanhtu hna cu amah a si i thah awkin an bia a ceihtu hna kut chungin a chuahtu hna cu amah a si.

SALM 22:21

Kha chiandeih hna sin khan ka khamh ko; kha cawtum hrang hna hmaiah khan kei cu zeihmanh a tuah khomi ka si lo.

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

PHUNGTHLÛKBIA 28:15

Uktu ṭhalo cu misifak hna caah, a rawl a ṭammi chiandeih le a ti a halmi vom bantuk a si.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

DANIEL 6:27

Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.

MATTHAI 10:19

Nan bia an in ceih hna tikah zeidah ka chim lai, ti le zeitindah ka chim lai, ti kha nan khuaruah va har hlah u; a caan a phak tikah chim ding cu pek nan si te ko lai.

LUKA 1:1

Theofilas Bawipa, Mi tampi nih kan lak i thil a cangmi kong hi an thiam khawh chungin ṭial an rak i zuam cio.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 15:31

Judea ram i a ummi, Khrih a zum lomi hna kut chungin ka him nakhnga le Jerusalem khua i ka rian ṭuan dingmi hi Pathian mi hna caah cohlan awk tlak a si nakhnga thla rak cam u.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

2TIMOTE 2:1

Ka fapa, Khrih Jesuh he kan i pehtlaihnak thawngin kan hmuhmi Pathian vel nih ṭhawnnak in pek ko seh.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.

2TIMOTE 4:5

Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.

HEBRU 11:33

Zumhnak in ram ngan pipi kha an tuk hna i an tei hna. A dingmi thil kha an tuah i Pathian nih bia a kamhmi hna kha an hmuh. Chiandeih kha an ka an phih hna,

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.