2TIMOTE 3:8 - Lai (Hakha) Common Language Bible 2006

⁸ Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

Laibaibal Thiang (BSI)

⁸ Janes le Jambres nih Moses an ralchanh bantuk khan, cubantuk mi hna nih biatak kha an doh, ruahnâk ṭhalo, zumhnâk kong i cohlan khawh lomi an si,

2TIMOTE 3:8 ပူးပေါင်းရင်းမြစ်များ

EXODUS 7:11

Cun Faro nih a mifim le camhthiam pawl kha a auh ve hna i annih zong nih cu bantuk cu an tuah khawh ve.

EXODUS 7:22

Cun Izipt mi camhthiam pawl nih khan cu bantuk cu an tuah ve i Faro cu hmasa bantuk ṭhiamṭhiam khan a lung a ṭhawng ko. Bawipa nih a chim bantukte khan Moses le Aaron cu an bia a ngai duh hna lo.

EXODUS 8:18

Camhthiam pawl zong nih khan fikfa chuahter cu an i zuam ve, sihmanhsehlaw an tuah kho lo. Fikfa nih cun minung he saṭil he awlok an chawnh hna.

EXODUS 8:7

Asinain camhthiam pawl zong nih khan utlak cu ram chungah khan an chuahter ve hna.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

1TIMOTE 1:19

Mi a cheu cu an chiaṭha thleidannak kha zeirello in an um tawn caah an zumhnak kha an rawhter tawn.

1TIMOTE 4:2

Hi cawnpiaknak hi lihchim hmangmi hna nih lih in mi an cawnpiak hnanak chungin a chuakmi a si; annih cu an chiaṭha thleidannak a thimi, thir lin nih a kangh ca i a ngongmi an si.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

2TIMOTE 4:15

Cun nangmah zong amah cu i ralring, zeicahtiah kan bia kha fak piin a do zungzalmi a si.

TITAS 1:10

Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

2 PETER 2:14

Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 2:6

Sihmanhsehlaw hi ṭhatnak hi na ngei, cucu Nikolas zultu pawl nih an tuahmi kha keimah nih ka huat tlukin na huat ve.