2TIMOTE 3:6 - Lai (Hakha) Common Language Bible 2006

⁶ Hi hna pawl a cheukhat cu mi inn chungah khan an va lut i nu derthawm pawl, an sual thilrit nih a rak nenhmi hna le an duhnak nih a kenkip i a rak vahpi lengmangmi hna kha an va lak khawh hna,

Laibaibal Thiang (BSI)

⁶ Zeitintiah cubantuk mi hna cu in kipah a lêng i zângdermi nu le sualnâk nih a nenhmi hna le duhnâk sual a phunphun i a rak tlu tawnmi hna hlengtu an si,

2TIMOTE 3:6 ပူးပေါင်းရင်းမြစ်များ

SALM 38:4

Ka sualnak tilet chungah ka pil i ka sualnak cu an rih caah tangah an ka hnuh.

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 23:14

(Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Nuhmei kha nan hlen nan hlen hna i an inn kha nan chuh hna, cun zapi hmuh awkah thla kha sau pipi in nan i camter. Hi caah hin pei nan dantatnak kha a fah chinchin lai cu!)

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MARKA 4:19

asinain lungretheihnak le rum duhnak le duhnak dangdang kha an hung chuah tikah, kha hna nih khan Pathian bia cu an ṭemṭawn caah, theipar zeihmanh a ngei lomi kha an si.

1 KORIN 12:2

Nannih cu lawkihmi nan si lioah khan nunnak a ngei lomi siasal nih a rak in uk hna kha nan hngalh i cu siasal nih cun a ping ah an hruai zungzal hna.

1TIMOTE 5:6

Asinain nuamhnak lei i aa pemi nuhmei cu a nung nain a thi cangmi a si.

1TIMOTE 6:9

Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

2 PETER 3:17

Sihmanhsehlaw ka hawile hna, nannih nih cun hihi cu nan hngalh cang. Cucaah cun nawlbia zeihmanh ah a rel lomi pawl an palhnak nih khan a pingah an hruai sual hna nakhnga lo le him tein nan umnak hmun ah khan nan um i nan tlak sual nakhnga lo, ralring tein um ko u.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.