2TIMOTE 3:3 - Lai (Hakha) Common Language Bible 2006

³ zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai;

Laibaibal Thiang (BSI)

³ dawtnâk ngei lomi, ngaihthiam a duh lomi, mi kongcaih a hmangmi, â sum kho lomi, nun chiakha, ṭhatnâk a huami,

2TIMOTE 3:3 ပူးပေါင်းရင်းမြစ်များ

GENESIS 49:7

An thinhunnak cu ṭih a nun tuk caah an cungah chiatserhnak nih tlunhnawh hna seh, an thinlinhnak cu a puarhran tuk caah chiat nih tlunhnawh ko hna seh. Jakob ram chungah ka ṭhek hna lai i Israel mi lakah ka ṭhen dih hna lai.

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

SALM 22:6

Sihmanhsehlaw kei cu minung ka si ti lo, cangcel ka si ko cang; mi vialte nih an ka serhsat i an ka nihsawh.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

DANIEL 8:23

Cu pennak hna an donghnak caan a nai tik le An ṭhat lo tuk hringhran i dantat awk an si tikah, Siangpahrang pakhat, a lung a ṭhawng ngaimi le a sual ngaimi le hlen thiam ngaimi a hung um lai.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

MATTHAI 4:1

Cun Thlarau nih Jesuh cu, Satan nih rak tukforh awkah, ramlak ah a kalpi.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

LUKA 16:14

Farasi mi nih hi a chimmi vialte cu an theih tikah, annih cu tangka a duhmi an si caah, amah kha an nihsawh.

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

ROM 1:31

an ziaza a ṭhalo, an biakam kha an let lengmang, midang cungah zaangfahnak le zawnruahnak zeihmanh an ngei lo.

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

1 KORIN 7:9

sihmanhsehlaw nan duhnak kha nan i sum khawh lo ahcun vaa ṭhi vaa um ko u, duhnak in a kangh in kangh nakin i ṭhit-um cu a ṭha deuh.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

TITAS 1:8

Khualtlung a dawmi a si lai i thil ṭha a duhmi a si lai. Amah le amah aa uk khomi, a dingmi, a thiangmi le aa sum khomi a si lai.

TITAS 2:3

Nutar deuh pawl kha, nan umtuning ah mi hmaizah a thiammi nan si awk a si, na ti hna lai. Mi congoih hmangmi le mizuram an si awk a si lo.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

2 PETER 2:14

Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.

2 PETER 2:19

Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si — minung hi a teitu paoh sal a si ko.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 13:17

Cu hmelchunhnak an ngeih lo ahcun ahohmanh nih thil kha a cawk zong an caw kho lo i a zuar zong an zuar kho lo, cu hmelchunhnak cu sahrang min, asiloah, sahrang min ca i hmanmi nambar kha a si.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.