2TIMOTE 3:2 - Lai (Hakha) Common Language Bible 2006

² Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zawmhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai;

Laibaibal Thiang (BSI)

² Minung cu mah le mah â dawmi, phaisa a dawmi, tluangkhawn a hmangmi, miruamkai, Pathian thangchiattu, nu le pa nawl ngai lo, lawmh a hngal lomi le a tluangtlam lomi,

2TIMOTE 3:2 ပူးပေါင်းရင်းမြစ်များ

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

SALM 52:1

Mi liannganpa, zeicahdah ṭhat lonak na tuahmi cu naa porhlawt? Pathian dawtnak cu a fek ko.

PHUNGTHLÛKBIA 6:17

Porhlawtnak mit, lihchim hmangmi lei, a sual lomi thisen chuahtu kut,

ISAIAH 10:15

Sihmanhsehlaw Bawipa nih, “Hrei-tlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh ṭung hna lo, mi nih pei thingtan cu an phorh cu,” tiah a ti.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

MATTHAI 15:6

a nu siseh, a pa siseh, a bawmh hna a herh ti lo, nan ti. Hihi Pathian bia zei i nan rel lo ning le nanmah cawnpiakning lawng zulh nan duhning cu a si.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 16:14

Farasi mi nih hi a chimmi vialte cu an theih tikah, annih cu tangka a duhmi an si caah, amah kha an nihsawh.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

LAMKALTU 5:36

Kan hnu lei caan tlawmpal ah khan Theudas an timi kha a hung chuak i pa pakhat ka si ve tiah a hun i ti i minung za li tluk nih an zulh. Sihmanhsehlaw amah cu an thah i a zultu hna cu an i ṭhek dih i a rianṭuanmi cu a thi ko.

ROM 11:18

Cucaah khiahmi nge bantuk a simi kha porhlawthnawh hna hlah u. Zeitindah nan lung a puam ngam? A nge pei nan si ko cu; a hram cu nanmah nih nan cawm ṭung lo, a hram nih pei an cawm hna cu.

2 KORIN 5:15

Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho ṭhanmipa ca i an nun nakhnga caah a si.

FILIPI 2:21

Midang cu anmah rian lawng kha an ruat cio i Jesuh Khrih kong kha an ruat lo.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

1TIMOTE 1:20

Cu hna lakah cun Hymenaias le Alekzandar kha an i tel i annih cu Satan kut chungah ka pek cang hna. Cu nih cun Pathian thangchiat ngol kha a cawnpiak hna lai.

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

1TIMOTE 3:3

zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

1TIMOTE 6:4

porhlawtnak in a khat i zeihmanh a hngal ṭung lomi an si. Biafang tete i al duhnak lungthin, a ngan a dam lomi duhnak a ngeimi kha an si i cu nih cun nahchuahnak, lung i khah lonak, pakhat le pakhat i nihsawhnak, pakhat le pakhat i lunghrinhnak

2TIMOTE 3:4

hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nuamhnak kha an duh deuh lai;

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

JEIM 4:16

Sihmanhsehlaw na lung a puam i naa porhlaw; cu bantuk porhlawtnak vialte cu ahmaan lomi thil a si.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

2 PETER 2:10

Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ṭha i an i porhlaw; cunglei van i a ummi hna kha zei ah an rel hna lo; an serhsat lehlam hna.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

BIAPHUAN 13:1

Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

BIAPHUAN 16:11

cun fahnak le hmachia an in ruangah khan vancung Pathian cu an thangchiat. Asinain an lam ṭhalo kha an kaltak hlei lo.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.

BIAPHUAN 16:9

Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangṭhat duh lo.