2TIMOTE 3:13 - Lai (Hakha) Common Language Bible 2006

¹³ sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

Laibaibal Thiang (BSI)

¹³ Asinain misual le a deu in a nungmi hna cu an sual chin lengmang lai, mi an hlen hna lai i anmah zong hlenin an um ve lai.

2TIMOTE 3:13 ပူးပေါင်းရင်းမြစ်များ

JOB 12:16

Amah sinah cun ṭhawnnak le fimnak kha a um, Hlenmi hna le hlengtu hna cu amah kut tang ummi an si.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

EZEKIEL 8:13

Annih an tuahmi thil, hi nakin fih a nung deuh rihmi hna cu na hmuh chin rih hna lai,” tiah a ti.

2 KORIN 6:8

An kan upat pah, an kan thangchiat pah, an kan nihsawh pah an kan thangṭhat pah. Lihchim bantukin an kan zoh, sihmanhsehlaw kan chimmi cu biatak a si ṭung,

1TIMOTE 4:1

Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.

2TIMOTE 3:8

Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

2 PETER 2:20

Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih ṭhan hna i a tei ṭhan ahcun, a hramthawk i an rak umning nakkhan an donghnak cu a chia deuh.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.